Dr. Do Kham in CCJ pawi a siimna tawh kisai Press Conference bawl ding

[Zomi Community Network]

Dr. Do Kham in CCJ pawi a siimna tawh kisai Press Conference bawl ding

Leitungbup Zomi Innkuan Kipawlna leh Zomi Innkuan USA kipawlna Makaipi; Dr. Chin Do Kham in Tedim khuapi a kibawl Cope Centennial Jubilee Pawipi a siimna tungtang ah a tuahkhak, taangpi taangta in a theih huai thu leh late pulakna (Press Conference) leh hih thute tawh kisai dotnate dawnna hun khat anuai a Hun-geelna bangin kibawl ding hi.

Hih Press Conference pen Zomi Innkuan USA kipawlna zum lam panin vaihawmna hi a, thu gennate UStream (http://www.ustream.tv/) Internet Webcasting tawnin Live in kisuaksak ding hi.

A Ni : December 10, 2010 (Friday)

A Hun : 7:00PM (US-CST), 1:00AM (UK, Dec. 11), 9:00AM (Singapore, Dec. 11)

A Mun : Pa Vung Lian Mang-te inn, Tulsa, Oklahoma, U.S.A.

UStream pan Internet Webcast Site pen hun kipat madeuh in Zomi Email Group-te ah hong kitaangko ding hi.

Press Conference hong kah dingin tual sung a om Zomi-te hita leh, mun tuam gam tuam a om Zomi khempeuh, itna tawh hong kisam hi.

Press Conference sung ah anuai a thute ahong pulakkim theihna dingin kingen ding hi.

1. Tedim khuapi a kibawl CCJ Pawipi thu leh pawipi vaihawmna tawh kisai thute

2. Tedim leh Tonzang kikaal a mawtaw tuahsiatna thu leh kipanpihna tawh kisai thute

3. CCJ Pawipi sung a Zomi-te makai ding (biakna lam?) kiteelna tawh kisai thute

4. LZI Kipawlna min tawh CCJ Pawipi a kihelnate

5. Lamkaal abanna munte ahi Singapore, Malaysia a om Zomi-te tawh kisai thute

Tuaban ah, hun a kicin a leh, dotna a om bangbang dawnna hun kibawl ding hi. Dr. Do Kham tung ah hih thute tawh kisai thu a dong nuamte in, makaite tung ah Email tawh ahi zong, lai tawh ahi zong, kipuakkhol thei ding hi.

Itna tawh,

Executive Committee

Zomi Innkuan USA

tang’in;

Pa Go Sawm Khup

Thuvaanpi

[e-mail]

Pa Vung Lian Mang

Thuvaanpi-huh

[e-mail]

[moemangsen]

Angtang mahmah hangei, Topa'n ong gualzawhpih tahen!