"Chin" cih tawh "Zomi " Hihna Kipeng Tuanlo

[ngalliam]

Zomi sung-ah tulaai tak ih lungsim hong nawngkaai sak thu om-aa, tua-in Zomi leh Chin kiseel na ahihi.

Zomi cih in ei Zomi te “hihna” hi. Ih kilawhna a hihi. Ei leh ei peuh mah Chin ki cih lam ka za naai kei hi. Banghang, ei Zomi i hih hang hi. A hizong midaang khat-in ei Zomi te “ Chin” cih tawh hong thei ahih man-in, tua bang-a hong sap teh i lungsim in deih lualo hi mah ta leh kei Chin hilo Zomi ki ci man nawnlo ahih man-in amau hong sap na bang-in Chin ki hihi.

Chin ciin minam dang teen hong sap na tawh ei Zomi hi na bei tuanlo hi. Pawl khat teen Chin cih kammal limlim saakhuat pong mawk uh-aa, hih zong hong hi gaai siatlo hi.

Tehkhaakna khat hong geen leng

Korea gam-ah Korea zong amau leh amau kisap na tuam nei uh hi. A mau leh amau “Hankuk” ki ci uh hi. Minam dangte tawh aki ho uh teh kei Korea hing ki ci lel uh hi. A Korea cih min zong hun khat laai-aa agam uh a ukcip athuahlah adolah mahmah Japan te minvawh hih tuak hi. Ahi zong amau ih Korea cih aa sap na tawh kisai thu nawngkaaina om vetlo hi. Amau zong minam daangte sapna tuam neih uh hi. American te ‘Miguk” ci-aa Japante Ilbon cih uh hi India-te Indo cih uh hi.

Ei Zomi te zong Burmate kawlte ihcih-aa, China te Seente, India _ Vaaite, Nitumna lam-gam te Mikaangte, England te Maangkaangte cih bang-in ih lo hi.

Tua a hih man-in Chin leh Zomi vaai tawh kisai-ah thu ngawngkaai na thuak khaak uh leh hih tawh ki hehnep theih ding kisam kasa hi.

Zomi ih it leh Zongei na hoihte khem-aa, Zomi cihtakna te taaisuah lo-aa, khat leh khat ki it kikhual diamdiam leeng, Zomi ih hihna cik mah hun-in manghthangh ngeilo ding hi cih khat Khangthak te tung-ah kong haanthawn hi.

Hoihna sak kei uh leh Personal mail ah hong geen kik ung. [e-mail]

ngalliam

[§ʋѦ¶♪Δиɢ]

Hih nong gelh pen hoih samah mah ing,
kei bang pau tuamtuam leh lawmtuam tuam tawh ka kithuah a, zomi cih leh laimi cih a kikhen a ihmet zawk tuan puk puk na mukei mai ing. Zomi ci a mi gol neih a kitot tot sang, Chin ci a nasep khop pen hoih zaw in uming. Ei mapan na tek ah panding hilel. Mitam pi kigawm khawm a nasep mah thupi kasa zaw.
Falam or Halkha or minam dang te tawh kiho nailo a, nang Laimi kei zomi, nang kawl cih lungsim ih neih leh pen tuapen ei-i personal hamsiat na a mul lel ing.
Hih galkap kumpi onguk sung ah kawlgam pen ongtok na te enleng....
Kayin te sung ah: Christian(KNU) vs Budish(DKBA)
Chin sungah: Zomi vs Laimi

etc:
hih Sanggam kayin te bang KNU ah aom lai unah, kumpi in simzo vetlo in, ongki tamciang in a bukna mun uh galvan leng tawh kician taka kapthei pan uh hi. hih bang a ei minam neu(Mongzua zahzong phalo hihang) te ongkhen ding pen lau huai mahmah hi.

"Be United, for indeed the winner does not take all and the loser does not lose all"
Datuk Seri Najib Razak(Malaysia PM)

[Taang Sianpu]

Hih na lai gelh pen thumuh vai mahmah leh pilvang vai sa ingh. Chin vs. Zomi pen keima muh dan ah bel, Myanmar Vs. Burma dan in mu veng aw. Pawl khat in Zomi pen it lua zaw in aituam bawl lua zaw ahih man in i minte nunung khong ah Thangpu Zomi khong icih ciang i Zomi pen a neusek leh a neusuah sak, National name hi nawnlo in, Personal name or clan name level ciang bek ah a koih suak kha ihih lam ki phawk khalo thei hi. It ihih man in i kep ding hi a, i zat ding hi.

Tua kawm mah in ZOMI pen it a, ihihna ahih manin ihihna ahi National name i nuai ah neusek suk in, mimal min khong ah bulh kei leng cih zong idea ka neih thak khat hi. Zomi it ihih man in neusek lo in, mimal aituam, min ciang bek ah koihlo in, pisuah sak in, tangzai sak zaw in National name/ level tatak ah i neih theih ding kisam kasa hi. No bang ci na muh uh a leh?