Kawlgam mi refugee te 2014 ciang lam-et om

Hi Zomi 
Gamdang ah gambel in igam Kawlgam khua hun hoihloh hang in ki tung zelzul hi. Tun Kawlgam khuahun kikhek hieai hieai ta a hih man in, UNHCR te leh a diak in US kumpi in zong tu bang dan in Kawlgam hong kikhel to suak suak leh, Kawlgam mite 2014 ciang Refugee in ki la to lai ding a, 2015 pan in kila nawnlo kha ding hi cih gen khia ta uh hi.
Tua a hihman in, US in la nawn lo in, UNHCR ten zong refugee in hong ciamteh nawn kei le uh, a hon hon in gamdang ih tunzoh na ding hong baih nawnlo kha ding hi. Tua a hih man in, hih kum nih leh alang tagn hun om lai sung in, (2012 pen September kha ciang, 2013 Fiscal year pen October 2012 pan- Sept. 2013 ciang leh 2014 fiscal year pen Oct. 2013 pan- Sept. 2014 ciang) bek hun a kinei lai suak hi. Hih hun sung in gam dang refugee tawh tun theihna na neih theihna ding uh hanciam theih a om leh hahtak in ngaihsut huai hi. 
Hih thu tawh kisai pen April 25, 2012 ni in, Colorado Spring ah, LIRS National Conference ah PRM director nu, ORR pa leh UNHCR pa in hong gen khiat ngiat uh a hih man in, Hun om lai sung na vai uh na zawh na ding un Gam dang tun theihna ding angak Zomiten na phattuam pih theihna uh a om khak le ci in hong khah khia ka hihi.
A lungdam huai khat ah: Nidang in a zat ngei uh a hi Tanau te saptheihna AOR pen tawlpi khat a ki khak hi in, Tun a sawtlo in hong kik ding ci uh hi. A form a bawl bawl lai tak uh hi in, Resettlement Agency te a form uh a fill up dan training pia ding uh a, AOR ki file kik thei ding hi. Ki tanau na tawh kisai in Up loh na a neih uh leh DNA (Genetic) sit ding uh hi. US pan a AOR a file nu/pa in DNA sit man ding sii phot (pia phot) ding a, DNA a ong uh leh a sum ki-piakik (re-imburse) ding hi.
Hih AOR tawh zong bel Zomi te mai lam ah US ki lut lut thei lai ding lametna lian pi ih nei hi.
A phattuampih khat peuh a om khak leh cih deihsakna tawh
PK Mung
Jax, Fl, USA

Views: 191