I Kawlgam Politics & Governance pen bang tawh kibang sa ka hiam cih pen genteh na ding ka zonzon leh keima muh dan akician in ong gen thei paklo kahih man in sau dendon napi in kician zo taklo a, tun bel
gentehna khat tawh ong ong behlap ningh.

 

Myanmar Governance pen bang tawh kibang hiam cih leh:- Video (Movies) sung a te dan mah bang in Nungak khat leh tangval khat kingai mahmah uh hi. A scenario pen hih dan hi.

 

 

Amau geel kingai mahmah uh a, ki lungtuak in zungbulh piakna (engagement) a neih khit uh ciang in kitenna biakinn ah a bawl ding uh ahi hi. Kitenna (wedding) church ah a neih laitak un "tu laitak a kankuat nuam a om diam" ci in thu a dot ciang in, Lukhu tawh a mai a khuh cip (mask) pasal khat ding  to in, "ken kankuat/ oppose" ingh acih khit ciang, tua monu ding pen a khut pan len in thatang hatna suang in tai khiat pih hi. A delh uh hang in tua mipa i a nautangte in biakinn pualam ah thau, tem leh nam tawh pang uh ahih man in tua monu arrna (by force) tawh taipih suak, luppih suak in a tenpih suak hi.

 

Tua nitak mah lupkhoppih pah a, thagum hatna suang in kum 20 sung tenpih hi. Tua kum 20 kikal in tu leh ta zong tampi mah nei man uh hi. Tua a pa tu leh ta teng bang in a nu sang un, a pa uh sun zaw pek lai in a mel uh bang zong ki bang khin teltel pian lai mawk dan hi. A diakdiak in a lungsim ngaihsutna uh 100% phial mah kibang hi (a pa i influence zong hi kha in teh). Tua putek pa in bang bang hi leh mi zi ding kimlai a guk taipih, a sut hi mawk kahih man in kiteena khat ka bawl leitei kul ding a, tua hi leh ka nupa un official husband and wife hi ding hi ungh cih ngaihsutna nei ahih man in wedding/ kitenna bawl sawm uh hi. Ahih hang in tua kitenna pen biakinn ah bawl theilo uh hi. Biakinn leh mipi lak ah official in a bawl theihloh na a hang tampi a omna sung ah nih leh thum gen suk lai ni. 

 

Pasal leh numei nu lumkhawm khin, tu leh ta zong nei khin, kum tampi bang hi ta ahih man in siangtho kitenna nei thei nawnlo uh hi. Biakinn sung ah mipi' muh, mipi' lak ah a nei ding hi phial mah leh zong, ama hun lai dan mah in khat peuh in "a kankuat kik ding, a zi/ monu thatang hah nek zawh thu tawh a lak sak, a suhsak kik ding lau hi." Tua ahih man in biakinn ah bawl sawm nawnlo in, kuamah ong kankuat theih nawnlohna mun ama inn huang sung ah a khuapih, a meltheih teng sam in a beh leh phung teng tawh Zongeina/ Kawlngeina kitenna dan bawl sawm uh ahi hi. Tua hun ciang in amau kitenna nidan lai in thatang hahnek zawh thutawh a tuh hi a, officil ngeilo ahih na kisuang den ahih man in, ama mimal personal guilt (ego) a phuisam na ding in amau ngeina tawh kiten kikna (belated wedding) ah a nial lo ding, a kankuat lo ding ama mi teng, ama mel theih teng leh khuapih teng bek mah a sam ahi hi. Tua kiteenna pen November 7, 2010 ah bawl ding ci in invitation leh announcement bawl khin ta uh hi. 

 

Tua monu' i lawm ngaih masak tatak, aki ten pih sawm pa in tu dong mah ngak lai dan hih tuak a, kum 20 sung hanciam in a ngah kik zawh na ding in ki peipei mah ta leh, thagum hatna kibanglo, ki balance lo ahih man in a lawmnu a tanlawh suak ta hi. 

 

Tua lawmnai masa pasal pa in kum 20 sung bang a lawmnu ngah kik theih na ding in putekpa langdo, langpan in sem ahih man in ama mailam ding, ama khantohna ding taktak zong sem manlo in tua tawh buai cip in, a mailam ding foundation bang mah bawl manlo hi. Putekpa in Novermber 7, 2010

ciang in tua amau ngeina mopawi bawl ding acih zong a gen hi phot a, bawl takpi ding maw cih zong 100% ki gen thei khin nai tuanlo a, bawl phial meh leh zong tangvalpipa ki samlo ahih man in bang bang in a kankuat phial zong in a lawm ngaihnu ngah kik tuanlo thei maitak hi. Tu leh la tampi nei khinta uh a, a tu leh tate khualna in tua numeinu in zong melsel putekpa ngai keti mah ta leh a suan
leh khakte khualna in tenpi suak lai ding dan hih tuak hi.

 

Zongeina kitenna/ Kawl ngeina kitenna= Democracy in Myanmar way

Views: 192

Replies to This Discussion

zak nop tak ee.na pil na leh na thei na te uh zo mi a ding nonghawm dan man uh ka lung dam.Mai lam ah zong hong zom to to lai un.Article tuam tuam khawng ,bloge khawng ah zo hong at zel lai un.Kei zong politics pen ka lung lut mah mah khat hi bil bel in zak nop sa mah mah ing.

RSS

© 2024   Created by Zomi Community Network.   Powered by

Badges  |  Report an Issue  |  Terms of Service