UNHCR Black List

[MC Khaipu]

UNHCR pan in huhna sum hih ka om na Nepal ah mawmte in gah ngei ngai uh hi. Kei zong ngen ding ka hiam cih ka buai hi. lawmte khat Malay a omte in ngen ke, huhna a hong piak uh leh zong back list ah hong koih ding uh hi hong ci hi. A man a hih diam bel thei keng, a man ding in ka upna ciang khat zog om hi. Hih lai ah' Kawlgam pan  mi 50 khong bek hi resettlement  cih mah mah kua mah om nailo uh hi. No theina pan hong hilh sawm dih ve wa le.

[Taang Sianpu]

Funding/ Assistance pen UNHCR zum pan in a piak hang in "black list" hi cih pen "Misunderstanding/ Misconcept" hi cih hong gen nuam ingh. Tu laitak zong keima nasepna pen zumpi sung (UNHCR) mah hi a, a diakdiak in Refugee te a ding in project tuamtuam, sum leh paai tawh panpihna ka nei uh hi. Refugee Community khat in project khat leh nih, tum cih bang in siau thei a, approve a bawl uh leh project khat ai in RM. 12,000 ($4,000+) ta pia hi. Tua sum leh paai tawh a huhte pen resettlement vai tawh kisai khalo hi. Resettlement a ngahma UNHCR in sum leh paai lam pan panpihna hi lel hi. A panpihna sum hong pai phat diakna pen Kumpi lam cih bang ahi hi. A tatak in Refugee khempeuh a diakdiak amau ciaptehna a ngahsa (Card anei khinsate) khempeuh pen UNHCR i mi, UNHCR cizizen ici phial diam hi ta ahih man un, UNHCR in a hi thei zah in a panpih ding a ngeina ahi zaw hi. Tua ahih man in Sum leh paai tawh a panpihte gamdang (gam thumna) pai khalo ding cih misunderstanding pen tu laitak a Malaysia lam ah zong tawm bang om ngei hi, ahih hang ahih loh lam aki theih kik ciang in sum leh paai tawh panpihna pen ki ziau ziahziah in Zomi kipawlna tuamtuam, minam tuamtuamte in project bawl uh a, Computer training centres, schools, in-house shops, grocery etc. a nei uh ahi hi. A kician zaw in na theih nop leh UNHCR Social Protection Fund Blog ah na pai un.

[ZIRC]

UNHCR in Black list acih tatakte pen UNHCR zum pan in huhna leh panpihna sum pia a tua abuse, misuse, a zangkhial te ahi hi. Ahih hang in zum lam pan amau hong hepihna tawh sum leh paai panpihna om in, ong huhte pen UNHCR zum mahmah i concern & care omzaw pah a, amau list sung ah mi cimawh, panpih huai, huh huai aom a, zum lamte panpihna lo tawh a survive zo phalo cihna ahih man in tua panpihna ngahte a ding in "Resettlement" pen a manlang theithei in vaihawm sak zaw ding uh hi. India, Nepal, Thailand leh Malaysia hi pha diak a, Zomi te a ding in a diakdiak a ki tam pen kei zong in a tampen nihna ahi ding Malaysia bang ah zong TB natna neite, natna gil neite, HIV/ AIDS neite etc. UNHCR in sum leh paai tawh panpihna nei uh hi. Tua leh a kem a cing ding omlo minor numei no, pasalno te zong panpih na nei thei uh hi. UNHCR zum pan panpihna sum a ngahte "Black list" hilo zaw in itna, hehpihna leh panpihna a ngah ahih man in amau koina, kepbitna te a ngah ding hi zaw uh hi. A tom in gen kik leng, UNHCR in sum leh paai tawh ong panpih man in Resettlement ding kikhak cih bang hilo hi. Panpihna ngah theih na ding a om leh na siau unla, tua hang in Zomi te a ding in nuntakna gimnam zawk deuhna leh i mipi a ding in phattuamna tampi hong ki behlap ding lunggulh huai mahmah hi. Thu leh la tuamtuam ngaihsut khak leh, kikup beh nop a om leh zom toto ni.