UN ah Card a ngah khinsate in a min khel nuam leh a ngah diam? Ngah aci om, ngahlo aci om, koi zaw hi ding?

[Cingbawi]

Zomi a kuam peuh peuh,

 

UNHCR card a ngah khinsate pawl khat in card ngah khit ciang min ki laih thei nawnlo aci om hi.

Pawl khat leuleu in lah ki laih thei mah hi aci om hi.

 

Hih thu pen a thei tel lian ki omlo dan hi leh kilawm hi. Zomi kipawlna tuamtuamte tung ah zong ki dong kawikawi a, tua lian hi cih gen theihna om tuanlo ci in za ingh.

 

Sanggamte khat a lut khin khat om in, a hang tuamtuam tawh a ma min laih kik nuam ahih hang card tawi khin dan hih tuak hi. Tua pen bang hi zaw ding hiam cih no mau muhna leh na tuakte uh nong gen thei uh diam?

[Taang Sianpu]

Hih dotna tawh kisai bilbel bel tusun DHS lam officer u lian khat tawh ka kiho khak bilbel tawh kituak in tawm bang hong hawmsawn nuam ingh. Min khel, min laih cihna ah i theih ding akisam pawl khat om leh kilawm hi. Pawl khat te in min kikhel theih ci ngei mah in Peng Lam pan Nam Tal ah a laih nuam om thei hi. Tua lian bel haksa kha ding hi.

Ahih hang in DHS (Lah Wah Kah) interview hun ciang in min dang na nei hiam cih dotna hong dong ding a, ong dot kei leh zong ki gen thei hi. Tua i gen pen U liante' in hong ciapteh sak ding uh a, US ahih kei leh gam thumna i tun ciang min (2) nei suak ding ihih man in tua nih geel ah i deih zawkzawk zat theih cihdan ahi hi. I min masa pen i min masa mah hi ding a ahih hang in eima deih zawk ahi min nihna ki zang thei cih thu ahi hi.

I min nunung pen, Last Name ahih kei leh FAMILY Name ding pen ki behlap thei hi. Tua pen gam (3)na ngak kul se lo in ki behlap sak thei pah hi. A tam zaw ah Zomi sung ah family name icihna mun ah a diakdiak thu mu phadiak leh mi namdangte lak ah aki tamhel te in "Behmin" icih "Clan name" ki tam zat mahmah hi. Hih pen a diakdiak India lam a om Zomi te in ki tam zat pha diak a, Kawlgam pan gamdang pai Zomi te lak ah zong pawl khat in a zang om hi.

Thu khat ah bel gam khat leh gam khat a paidan kibang khinlo uh hi. Australia bang ahih leh i khan sung i min pen (3) vei sinsen ki laih thei hi. Sum bel bei bek a, i neih nak leh ki laih thei veve hi.

UNHCR/ DHS khong ah OPE thudot hun ciang in min laih kingah cih pen Peng Lam lai, Nam Tal in laih thei cihna hilo a, Taang Peng Lam, Peng Lam Behmin cih bang ciang bek ahi hi. I min laih thei mah leng zong i min masa pen (official record) sung pan a mangthang ding hi tuanlo a, zong ki phiat thei tuanlo hi. Ahih hang min nih nei kici thei a, a min nihna zaw pen zang nuam zaw icih leh gam thumna i tun khit ciang hong laihsak thei uh hi. Lawm dangte in zong hong behlap lai leh lunggulh huai sa ingh. Hih thupen akicing lua in ka thei tuan kei a, U Liante tawh tawm khat sung kihona a ka dot khak teng kong hopsawn bek ahi lel hi. A kician zaw in a theih i om leh kei zong a theih beh nuam lak ah akihel kahi hi. Lungdam.

Mi Thakte a ding in:
DHS- Department of Homeland Security
OPE- Oversees Processing Entity
UNHCR- United Nations High Commissioner for Refugees
UN Card- UNHCR zum pan in refugee (galtai, gambel siau tatak hi) cih ciaptehna card neu. Sumbawm sung, ip sung ah akita credit card sang a lian zaw deuh :)

[Chin Kim]

Thu leh la tampi ki theih lawh in lungdam mahmah e. A tmapi sharing hong bawl lai in.