Refugee Resettlement (RST) leh Zomi te theih huai thu pawlkhat

[Taang Sianpu]

UNHCR zum ah paizialeh a diakdiak in RST tawhkisai in theih ding a kilawm leh, sep leh

bawlna ah I mapai, daupai zawk theih na ding in zumpi lam I paizia leh amau sepziate I theih

loh a
phamawh hi a, tuate tungtawn in ki masuan thei ding hi. Refuge a siau mipi sung
ah dotna leh theih cianlohna pawl khat en suk kawm leng…

>>A u a nua meltheih te min leh om na a piak uh hang in a pai nop na uh gen ta le uh mun

uam tuam ah ki pauk hi…

Hih thu pen ahi  thu mah hi. Ahi hang a hang tampi om hi. Tua lak ah tawm khat gen suk

pak leng:-

1.      Meltheihte omna bang hun in pia hiam (OPE, DHS, IOM) bang hun in pia hiam cih

ung ah zong kingah hi. A hun lai khat, piak dinghun khat om a tua hun a piak ding ahi hi.

Eima ut hun, eima
phawk hun, gamdang a omte khat in piak theih hi a cih ciang a piak ding hilo
hi. Zum lam I process dan khat, hun  khat a om hi a, a hun lo, a phatlo in
I gen hang in, a hun om hi.

2.      Meltheih icih ciang in zong eimite in pen relative, brother icih ten I gen dan a tuampi

khat ahi hi. Tu mah bang in “family” icih zong US lamte zat dan tawh ki bang khin kholo hi.

Bang hang hiam cih leh I gang te pen “uncle” mah zong ki ci suak mai a, I pute, I
sungte, I panote zong “uncle” mah kici hi. I tute zong “brother/ sister or
cousin” mah kici a, I makte sanggamte, I meltheihte khat peuh zong eikam in I
gen dan lian in Kamphente in na gen sak khin theilo uh ahih man in mel theih
hihna (family relationship verification process ah a fail tam mahmah hi). A hang in Malaysia

am pan in “ka sanggampa, ka u pa, ka vengpa etc. I cih hang in amau USA lam a te
in ana sep hun lai tak uh, a manloh tawh kituak leh US a Refugee vaisaite in a
hopih uh cing kiho theilo cih zong om thei hi.

3.      Pawlkhatte leuleu UN min ci-in min tuamtuam kinei mai hi. Tua pen USA lam

a om ameltheihte kiang ah Zumpi lam te in (Family relationship verification) a bawl uh

ciang in, US lam a om ten “ken tua dan thei kha keng cih mah” pawl khat in min neu bek in
pia a, US lam pan First namein a sap ciang hi lo cih mah a kipan case and issue
tuamtuam tampi om lai hi.

4.      Tua ban ah refugee khat in UN a lut lai in a sanggam, a meltheih om hi acih hang in,

S a tungkhinsate in ka sanggam hi, ka meltheih hi acih kei leh bangmah lem thei tuanlo hi.

Obama pen
en I theih pong mawk hang in, aman ong thei kei leh White House ah amah tawh
kimuh ding lem paklo thei ding hi. Tua tawh kibang hi.

5.      Pawl khat leuleu in UNHCR ah ah RSD hun lai in a unau tatakte gen lo uh a, interview

ung ah sanggam tampi nei sak leh a suahni, amau info te thei tel cianlo ahih man in neilo

ci uh hi. DHS khong leh gamdang pai kuan ciang in nei ungh acih pan uh hang in a masa lai pek
in gen khalo uh ahih man un a file sung ah omlo a, behlap na ding in zekai thei
hi.

6.      Pawl kaht leuleu u nau hetlo, zi ahilo, pasal ahilo zong kazi hi, ci in ki lut pih a, unaulo

ong unau hi ci-in ki lutpih hi ahih hang in office process ong pai toto in a tawpna ah buaina
negneng om thei in, a vai kitan leh vai sianglo ahih man in a siang mateng in
pai ding hun kisotto cih zong om thei hi.

7.      A dang tampi case to case om lai hi. Lai sung ah gelh ding hi leng hun tampi bei

ding leh, case tampi om ahih man in a manlang theithei in ong zulh belh hi mai ingh

(idea lakna ding bek).

>>Mi pawl khat in a theih khial loh ding uh, mel theih min paik man, pai nop na mun

>>deih tel leeng in athu ze kai zaw ding cih bang om tuan lo hi. Man lang leh ze na

>>thupen
athu tuam hi zaw hi.

A tung a thu pen amau process and policy, operation guideline ah aman mah hi.

Tu leh tu a vai thak hilo a, nidang pek a kipan a omsa, zum paizia hi. Ahih hang in

a mun leh gam, a hun leh mimal
I case dungzui in kilamdang (vary) hi. Case to case basis mah ahi hi. A thu in
pen refugee khat in ama deihteelna a neih hang in a vai ki sot, zekai tuam cih
a omlo hi mah hi. A om lo ding hi. Ahi zong in om hi. Tua pen a hang om nahi
gige hi. A hang tampi sung ah pawl khat en suk leuleu ni.

Refugee khat in ama pai nading gam teel khuan, teel theihna neilo hi.

Ahih hang ama paina ding khua, mun leh State (gam khat sung) pen t

eel thei hi. Teel icih ciang ut pongmawk a teel hilo a, ama meltheihte

mna, amah a panpih thei ding Church, community organization khat

peuh or a lawmte’ I omna cihna ah hi. Tua pen mipi in ki tel khinlo hi.

Refugee khat in RSD acih (Refugee Status Determination) a man khit, a zawh

khit ciang in next interview pen RST ahi hi. RST pen Resettlement interview

acihna ahi hi. Tua pen tuni ciang dong mah RST pen Gamteelna ci-in eipau

n ki gen mawk hi. Tua pen a man hetlo, a dik hetlo khat ahi hi. Bang hang

hiam cih leh mipi in zong paina ding gam teel theih mah sa ahih man un teel

sawm a, a buai tampi tak, aki postpone, zekai tuam tampi tak om hi.

By right, Refugee khat in ama pain a ding gam (Country) teel khuan neilo hi.

Refugee khat ahihna tawh kizui in ama a ding akilawna gam sehna pen

(Office/ zumpi) I sehsak hi a, refugee khat in ama deihteelna tawh gam

khat peuh a teel thei hilo hi.

Hih tak ah theih ding thu ah gam sung khat ah I pai nopna (I meltheih leh

lawmte omna) States, address kigen the in, a lem leh tuatak ah hong puak

hi. Ahih hang in a gam (Country) pen ei deih teel thei hilo hi. Hih thu

tegeel pen mipi gen loh refugee community worker a tamzaw in ki
tello ahih man in mipite makaihkhialna tampi kimu thei hi.

RST (Resettlement) pen eikam in Gamteelna hi hetlo hi. Gamsehna hi.

Gamsehna pen office I neih hi a, amau ong  she ahi hi. RSD I lut

masak lai in I sanggam, I meltheih Australia, Sheden, Norway, Canada
etc. ah om icih leh tuatawh kizui in alem thei pen ding in ong sehsak ding uh
ahi hi. Refugee khat I teel theih thu hilo zaw hi cih I tel ding kisam hi.

A tawpna leh a thupi pen ah, Zomi refugee khat in ama meltheih,

a u leh nau, a sanggam khat peuh omna pai nuam ahih man in ama

unggulhan gen thei hi. Ahi hang in USA a a om a sanggamte in Malaysia a om a
sanggam acihpa a theihpih takpi ding kisam a, tua ban ah USA ong tung leh zong
a van sak zawh takpi ding uh kisam hi. Tua a van manlo, pau leh hau kisapna
khat peuh ahih kei leh nasep silbawl hang in 100% a panpih zolo ding ihih veve
leh Office I ong pai sak na dandan ah pai phot mah hoih zaw hi. Zum lam nasep pen
bang tawh kibang hiam cih leh, $ 2000 tawh mi khat huh ding sang in, $ 1000 pen
mi nih huh ding ngaihsun zaw uh a, tua sang in $ 500 ta tawh mi (4) huh ding
hanciam zaw ding uh hi.

Tua ahih man in Resettlement vai pen UNHCR beki vaihawm zong hi khinlo a,

tua mah bang in screening process leh (postpones, cancel, fail etc.) teng a om theihna pen 3^rd country a Resettlement agency te tung ah zong kinga hi. 50/50 ahi kei zong phial zong in party nih nasep khopna ahih man in a langnih in theih kul a, a lang nih in I muh kul hi.

Tel toto ding ci elng tampi om lai a ahi hang in lai tawh ahih man in tu a zah tawh kitel ding in ka lamen hi.

Zomi sung ah deihsakna tak tawh,

Tg. Sianpu

[ZIRC]

1. UNHCR card ngah thak te nam thum in ki khen in, pawl khat third country puak ding, . pawl khat KL ah om ding, pawl khat Kawlgam ki puak ding cih thu hang in ki lung hi mawh mah mah cih thu hi, UNHCR pan tua bang om a hiam. Tau lai tak card aki piak beh hiam?
-A nam (3) in a man mah hi.
Ahih hang tua pen UNHCR te' kam pan gen ngeilo ding uh hi. A gen khak uh leh zong a khial uh, gen loh ding a akilawm thu a genkha uh hi zaw ding hi.
Third country puakna pen No. 1 na hilo zaw in a No. 3 na ding hi zaw lai hi. UNHCR Global i paizia a policy pi uh pen:
1. Repatriation (Voluntary return home)
2. Local Integration
3. Resettlement

-A tung a lak ah UNHCR Global in policy ahihna tawh kizui in Regional leh Local ah zong a zat thu uh hi. Repatration acih pen UN in a ciahsak hi zenzen lo zaw in, voluntary return (home) ci zaw uh a, refugee applicant khat RSD a lut masak lai in "Kawllgam na ciah kik nuam hiam...Kawlgam na ngai hiam.." cih dotna te ah a mau dawngnna leh, amau case tung ah kinah hi. UNHCR i hanciam ah bel a tam theithei amau gam ah cidam tak in a tun kik theih na ding, a ciah kik theih na ding cih hanciam MASA pen uh hi.
-Hih pen case khauhpailo, Card ngah zolo, international protection kisam dong zah in criteria (baung) a lutlote hi pha diak hi. Zomi te lak ah 90% bang pen hih a ding in lung hihmawh huailo hi. Namdangte leh Christianlote bel amau a ding in lunghih mawh huai siam tham pawl khat om thei maitak hi.

-Local Integration pen tulaitak a a omna Malaysia gam ah integrate thei, lauhuai lua khollo in, noptak in sum zong thei, om thei, nungta thei cihte hi zaw deuh hi. Gentehna:- Rohinya (Rakhine Kala) icihte bang Muslim ahih ban uh ah, biakna paulap in UN card ahilo amau card pawl khat tawi thei uh a, kipia uh a, tua tawh Motor cycle cih bang, van nengneng lei thei uh hi. Sum om peuh leh lei thei uh hi. Passport i nei phial a, sum i nei zong in Muslim ahilo gamdangmite in van leih theih na ding lem lo hi zaw mai hi. Tua ahih man in hi local integration pen Zomi te leh Christian te a ding in lauhuai lo a, a diakdaik Muslim, Rahine Mivomte a ding hi deuh leh kilawm hi.

-Resettlement pen last choice hi a, a tung a tegeel (Voluntary Repatriation ding in, Kawlgam ciah kik leh hong ki that pah ding, hong ki man lian ding, thong sung hong kiden na lian ding cih te pawl, Local Integration ding in a lemlo, RELA te, palikte in hong man suk, hong man to tha pai den, biakna lah Musilm hiloh ban ah, Vulnerable) ahih man in a tawpkhakna ah RESETTLEMENT a vaihawm sak uh ahi hi.

Zomi te a ding akituak pen in Resettlement bek mah om a (Kawlgam ah Democracy Free and Fare hong hilo paisuak nak leh), gam thumna tun ding lametna a om pen minamte ihi hi. Malaysia context ah. Kawlgam suahtakna diktak akingah ding bang hi leh bel Option 1 or 2 deih zawkzawk teel ding dan hih tuak hi. Tua ahih manin Zomi gamthumna painuam refugee te in Kawlkumpi, Kalkapkumpi a tutna uh kho henla, kum tampi mah a gitlohna uh tawh Kawlgam hong uk lai na ding uh thu kingen keei ci uh hi. A takpi hih tuak. Kawlgam ciah kik ding sang, gamdang ki pai nuam zaw tek dan hi in teh. Party tuamtuam Politiciante a kipan :)

[ZIRC]

RST akici Refugee te i Resettlement (Gamthumna) pai theih na ding tawh kisai in a diakdiak Malaysia a om UNHCR zum te in RST Interview ci nawnlo zaw uh a, RC (Resettlement Counseling) ci zaw ta hi cih zumsung lam pan kician tak in kiza hi. A tatak in RST cih lian sang in RC ci leh kituak zaw leh, kician zaw ahi hi. Bang hang hiam cih leh RST interview ciang in a sep uh pen counseling lam hi zaw a, interview ci in thusit ngakngakna dan zong hi khinlo hi. Tua bek thamlo in a diakdiak Burmese leh Buddhist ahilo minam neu tuamtuamte a ding in RC pen a tus ung a kipan, mailam ah akizang ding hi ta hi. Ahih hang in RST Interview cih kammal pen kizang veve ding a ahih hang in namdang leh Tapidaw lo te a ding hi zaw deuh ding dan hi leh kilawm hi. A hang in RST i criteria te a tung a lawmte' hong kuppih sa dan in a omsa dimdiam ahihna tawh kizui in zumlam te i geel dan in ki sem toto ding cih thuthak kiza hi. Thu leh la kigin ding leh, theih sawn ding a thak om cihna hi tuanlo zaw a, Resettlement Counseling akici (RC) tawh ong laih uh pen gambel siau galtaite a ding in a hoih zaw lam hi cih thu, zum lam thu a tel theihte' tung pan kiza sawn hi.