Zogam ah Motor ki bung mi 14 si

[Zomi Community Network]

Friday, 26 November 2010 18:27


Zogam Post News

Zo lai pian na ding hong bawl sak ah hi Cope Memorial Baptist Church
(CMBC) kum za cin pawi pen tu ni in ki pan ta hi. Tua pawi sim ding a
Tonzang pan hong pai mi 80 bang a tuang Chin Tuang Tan motor khat
tuahsia in mi 14 si a, mi 30 bang liam cih thu ki za hi.





" Tu ni pawi sim ding a Tedim hong zuan U Cin Pu motor hi a nai 12:00 kiim hi a ki bung hi. Tedim pan tai 10 kiim zalui a cih na ah hi.
Hat lua in keu kawi ah contor zo nawn lo a, keen ah ki khawh suh hi.
Motor bel zan cip, Tedim pan in hawn khat in a va uh ding in pai uh,
kumpi te lam pan bel tua dan om kei." ci-in Tedim a om Pa Kam Lian in
zogampost tung hong gen hi.

Tua pa mah in" Mi 12 bel a phual pan si in 2 pen zato pan si, mi 30 kiim bang liam in Tedim zato pi ah ki
pauk khin ta, tun zong Zato pi si buk ah mi tam peuh mah, Pawi tawh bang
tawh i nop sak zah ding zah zong om pha kei" ci-in gen hi.

Cope Topa hong pai zawh kum 100 cin pawi a ding a puah thak CMBC Biak inn.

Photo ZogamPost pan ki lasawn hi

[Tg. Thangno]

Misi pen 13 a citawh, 14 a citawh, 15 pan 17 a ci tawh, 16 a citawh Zomi news tuamtuam ah om ven a bangcidan ahia leh?

[Do Khan Suan]

Thu ki zakna LUNG DAM