Zabung Puak Ding Mangngilh Lo

[Tg. Thangno]

Zabung puak ding mangngilh lo,
Mangngilh hang la kiik hamtang;
Sumpi diing mangngilh tawntung,
Mangngilh hang la kiik ngeilo,
Labu ken diing don lo-in,
Vantung tunding na sawm a
En dih vena kha a ding khasia in naubang a kap.

It le hang a mel a hoih, Mudah leng a meel a sia;
Phal le piak ding om a, Phal kei leng piak diing om lo;
Pai nuam leng naicik hi a, Ut kei leng lah gamlapi,
Ki-itna in khum pen a, Muhdahna in khaat in khaa.

Na deih teng leina ding in,
Sum leitawi kihta ngeilo;
Pasian a ding khatvei beek,
Sum leitawi in pai ngei lo,
Pasian a ding phallo te’n,
Phal hun cih nei ngeilo a,
Neih man a piak hi lo a,
Phal man a piak hi zaw hi.

Pasian nasep ding ciang in,
Kei teek ta ing na ci a;
Aituam nasep ding ciang in,
Kuamah kihta keng na ci,
Pasian nasep kinlo te’n,
Man hun cih nei ngeilo hi,
Ka man ciitciat kei ci-in,
Ciitciat in hun beisak hi.