Zomi sung ah mipil mahmah khat ahi Pu Dr. Langh Khan Thang (Jackson Thang) Naulak beh, Sezang khua mi Pu Dr. Vum Son te tawh 1960s pawl in Kawlgam pan in East Germany (German Democratic Republic) ah pilna sin in aki paisak khat hi. East Germany ah tawl khat pilna asin khit ciang West Germany (Federal Republic of Germany) ah hong peem in Kassel University pan PhD (Mechanical Engineering) tawh pilna sang mahmah khat hong zo hi.


Kawlgam ah Tan (10) a phi lai, nitak in Movies khawng en kawm in a phi zong mark tampi tawh pass hi, ci in ki gen hi.  A khuak ahoih mahmah Zomi khat hi. 
1998 kum February kha lai pawl in a om na Kassel khua (Germany) ah kua ma theih loh in a room sung ah leitung nuntakna hong bei san hi.  Innkuan pih nei lo le, a sih ma in a neih a lamte a luah ding koih khol kha lo ahih man German kumpi in kua mah a luang aphaam ding phal lo in, a neih a lawmte zong German kumpi Social Department te'n tu ni dong kem uh hi. A luang hawm aki hal hi in aki halna vui zong German Social te'n tu ni dong kem uh hi.


Pu Dr. Langh Khan Thang (Jackson Thang) meltheih u le nau ahihkeileh a ma thu akicing in a thei i om leh hehpihna tawh ama thu akicing in nong theih sak nang un hong thuum nuam ing.
Deih sakna tawh,


Paul Thangpi
Offenbach, Germany

KAMPI

Views: 74

Reply to This

© 2021   Created by Zomi Community Network.   Powered by

Badges  |  Report an Issue  |  Terms of Service