Zomi ten Thungetna DC ah nei.

  Siama Niang Khan makai in nungkal sung Zomi Intercessory Prayer Group te, (Tulsa pan, TX pan leh Maryland a om thu-um mi pawlkhat) in Warshington D.C ah,Hotel khat sap in ni 5 sung antan thunget na tawh kha galdona, palai thunget sakna va nei uh hi. Tua lai ah, DC lam a, pastor te pawl khat zong va ki hel thei hi. Hih thunget na ah U.S gam khanlawhnang, US kumpi pa leh gam makai ta ding, leh thu dang tuamtuam te kin gen hi. Thungen te in, kumpi pa zum (whitehouse) kiim ah zong pai in thupha piakna nei hi. Tua pan in, tulai tak muslim te Friday nitak sim lampi khaktan a thunget na mun leh, a ki lam kik ding World Trade Center kiangah Muslim te biakinn lam nopna mun ah zong va ngen hi. Tua pan in New York khuapi a UN zum ah zong va pai-in thupha piakna nei hi. Thungen pai te gen na ah, suahtak na pi khat om a, na lamdang hong piang ding lamen hi. Hih hun sung hotel kawmna bekbek tulsawm val bei a, a bei khempeuh zong siama Niang Khan in upna tawh a omlo nailo pi kipan in a sep khiat ahihi. Siama Niang Khan in thungetna Pasian gen tantan zop suak ding sawm lai hi.

 US, Mexico Border War
US leh Mexico in tai 5000 val gamgi ki taang hi. Hih gamgi dungah nisim phial in guihtheih khamtheih leh mihing zuakna kinei a, US gamgi cingte tawh kikap na om den hi. Hih gitloh nasep pen a ki kham zolo zah dingin, thahat mahmah hi. Mexico kumpi in zong haksa sa mahmah hi. Amau sungah group pi nam 4 bang om a, amau teng zong ki kap in, numei naupang bangmah theilo ten a kikal ah sih lawh uhhi. Kumpi lam makai te, Palik lam te, Media te amau gal ding a upmawh peuh mah uh that uh hi. Khua pawlkhat te sang ki kah theilo, sum zonna te ki khak cip hi. Hih hangin US te zong nakpi tak buaina pia hi. Hih pen gamgi buaina bek hilo in, US leh N. America buppi zong khatvei ciang khamtheih-guihtheih te gam suak ding ki ci hi. Hih tawh ki zom in, pawlpi tuamtuam te ah thungetna nakpi ki nei a, Pasian in thu ngetna hong dawng in, tu-in amakai lian pen 2 ki man khin hi.

 Muslim Laisiangtho kihal ding vai.

  Folida gamke, Baptist pawlpi mi 50 ding akem pastor Terry Jones in Sept 11, 2010 in Musmlim te lai siangtho bu tampi ka pawlpi un hal ding uh hi, cih gen hi. Hih thu-in, leitung bup linglawng sak hi. US kumpi te leh, Khristian makai te in ahih loh ding ngen uh hi. Hih bang hih takpi leh leitung bup muslim te hong ki tom dinga, buaina lianpi hong piang ding ki patau hi. Afaganistan ah mihon in hih hangin US deihlohna lak pah lian hi.  Ahi zong ani tatak atun ma-in, pastor pa in a lungsim khel kik hi. A kidot ciangin, NewYork khuapi laizang ah Muslim biakinn khat a ki lam kik ding deihloh na tawh mite lungsim lak nang-a a geel ahihi. Hih pastor pa mahmah New York a om muslim biakna makai pa tawh va kiho in, kitel siam na la hi. (Pastor Terry Jones in a biakinn uh lam loh ding thusun khiatna va nei a, ki thukim na la uh hi). Universty khat Muslim Prof. khat in; “Tua NY ah Muslim makai pa in kei thu hong dong lo hi. Ken, abei sa a ngaihsutna ka piak te hong kizuih nak leh mawkna lo hi. Tun zong, US a om mi a tamzaw te in deihlo ahih man a khawl ding hoih hi,’ ci-in gen hi.
 Jesu hong pai kik ding May 21, 2011
 California gamke, Oakland khuapi mungphuh family radio pan in, Herald Camping ci-in, Jesu hong pai a thu hong khen ding May 21, 2010 hi ding a, Oct 21, 2010 pen leitung beini hi ding hi, ci-in gen hi. Hih bang pen hunsim in piang zel thu ahih man kid op huai hi. ““Central to Camping's teaching is the belief that the Bible is the Word of God and completely true. However, he emphasizes, this does not mean that each sentence in the Bible is to be understood only literally. Rather, the meaning of individual Biblical passages also needs to be interpreted in the light of two factors. The first is the context of the Bible as a whole. The second is its spiritual meaning: in Camping's words, "the Bible is an earthly story with a Heavenly meaning." In Camping's latest publications, We are Almost There!, To God be the Glory, "NO MAN KNOWS THE DAY OR THE HOUR?" and "ANOTHER INFALLIBLE PROOF THAT GOD GIVES THAT ASSURES THE RAPTURE WILL OCCUR MAY 21, 2011". Harold Camping states that a number of Biblical passages point unquestionably to May 21, 2011 as the date of the Rapture, and October 21, 2011 for the end of the world.[8] Some people point to Camping as a "date-setter" following his own method of Biblical interpretation. Camping maintains that he follows the Bible's method of Biblical interpretation. A thu a cinga thei nuam te in, hih website ah ki en thei ding hi.
 www.familyradio.com

 Benny Hinn in akhialna pulak.
 Tulai taka Charismatic upna lamah Pasian mizat pa Pastor Benny Hinn pen azi Suzane Hinn in kikhen na lai pia hi. Benny Hinn in agen na ah, ‘Ka zi hi ta leh, kei hi ta lengh, gen ban na ding mawhna, nu pa ki palgulhna omlo hi, ci hi. Hi bang a buaina in ka Pasian nasep na ding hong khawlsak theilo ding hi. Pasian in hong piak nasep ka sem suak ding hi, ci-in, gen hi. A sawt lo khat in, “ Ka inn sungah ka hun piakna tawm lua hi, ministry bekah ka hun ka bei sak hi, tua in inn sung buaina hong pia hi, ci-in gen hi. Tuma kha thum lai pawl in zong Pope I sap na tawh Rome khua va pai hi. Tua lai ah a nasep khop pih dingin Pasian mizat Paula White ton pih hi. ( Paula white pen Folida gamke ah Church without Wall, pawlpi leh ministry lianpi anei hi. Tuma kum nih lai in amah zong a pasal tawh ki khen hi). Benny Hinn pen azi tawh ki khen a, Paula White zong meigong khat mah ahih man, adeihna om ding hi, ci-in a encik ten nak gen siat mahmah uh hi. Pastor Benny Hinn in, “ Ka nuntakna sungah hih loh ding ka hai gamtat thu khat hih kha ingh” ci-in gen kik hi.
 Ministry tampi ten Sum Haksat na tuak.
America ah haksatna hangin Biakna nasepna tampi te zong su kha hi. Ministry pawlkhat te leh biakinn pawl khat sum ngahna kiam ahih manin nasemte tampi ki khawlsak hi. Ahang pen mite nasep ki khawl sak a hih man in, kua man sumpi leh huhna ki pia non lo hi. Hih te lak ah, Viginia Beach a om Regent University zong khat in ki hel hi. Regent Uiversity pen Dr. Pat Robertson hi a, tuma kum 20 lai pawlin US president kuang lui ngei hi. Hih sang pan sia Lian pau, Tedim zong tuma kum 10 lai pawlin Master Degree tawh aman ahihi. Pat Robertson pen piangthak conservative sungah mi zahtak mahmah khat ahihi.


 Jim Baker in John Bevere tung lungdam na gen.
 Jim Baker in thong sung a om lai tak John Bevere in vaveh hi. “ Ka kimuh uh ciangin, hong pom in hong nam in kapkap in, hong khah theilo hi. John aw, nak lungdam lua ingh. Na laibu gelhin kei hong hon hi,” ci-in gen hi. John Bevere in, “Pasian kihtakna” cih laibu khat gelh a, tua laibu sungah, ‘Pasian itna theihna in gum lo a, Pasian kihtak na in hong gum hi’ cih gelh hi. Jim Baker in a gen na ah,” Pasian ka it mahmah hi, ahi zong Pasian ka kihta kei hi. Ka thong kiat pen Pasian in hong it man hi. Tua hi kei leh kei hell sung ka tung ding hi,” ci-in gen hi.
 Hun nunung Pasian nasep zia ding;
 Hun  nunung a Pasian nasepna pen “palai sep, taangmi-thunnget nasepna” (intercessory) ahihi. Pasian nasem te pen mite leh Pasian kikal ah palaai sem ding Pasian in hong sap ahihi. 1 Peter 2:8-9; sungah, eite pen…teltuam minam, kumpi nam siampi pawl… ci-in gen hi. Taanglai in siampi te nasep pen, mawhnei te taangin Pasian tungah mawhphel biakpiakna piak sak ahihi. Nasep uh pen baihlo hi. Biakpiakna ganhing te meihal biakna apiak khit ciangin meieek leh vut te luakin biakbuk pua lam ah va paai khia den hi. Tua khit ciangin a puan nin uh a siang tawh khek den hi. Aniin na sep leh a haksa nasep ahihi. Tuhun in Pasian nasem te in taanglai siampi te bang a, ahaksa leh a kihhuai nasem te te ih hihi.  Hih nasep pen itna leh siangtho na aom kei leh a ki sem thei lo thu ahihi.

Views: 142

Reply to This

© 2020   Created by Zomi Community Network.   Powered by

Badges  |  Report an Issue  |  Terms of Service