USA pan Secretary of State Mrs Hilary Clinton Kawlgam ah hong zin vai mikim in thei khin tek hi. Tuasung ah tuni 2 Dec 2011 zingsang 8:30- 11:30 kikal in University Avenue Lampi ah Daw Aung San Su Kyi inn ah NLD makaiteng, UNA makaiteng akipan CRPP pan makai teng kim in Mrs Hilary Clinton tawh zing niangtui dawn khopna le holimna, thu kikupna nei thei uhi. Tua mun ah UNA lampan Pu Chin Sian Thang (ZNC), Nai Ngwe Thein (MNDF), Sai Saw Aung (SNLD), U Aye Thar Aung (ALD) kihel thei uhi. UNA pan in Kawlgam gamvai ah deihnate pulakna le lai in piakna nei thei uhi. Tua lai kipia zong attach filed ah ki en thei hi.
Tua ban ah adiakdiak in Daw Aung San Su Kyi hanthotna tawh Rakhine le Zomite pen 'Gambel in atai tampi omna, USA Kumpi in hong kepna le lamkal ah omlaite zong aman langin hong lak sakna ding uh han thawn un' cih hong tha piakna tawh kithuah kawm in Zomi National Congress pan President Pu min tawh US Kumpi No 2 ahi Secretary of State khut tung ah lamkal ah Zomi gambelte ading US kumpi in a manlangin hong sap nading ngetsakna lai pi kipia in, Mrs Hilary in zong hong sang pah hi. ZNC makaite zong USA ah hong hawh un ci'n itna le zahtakna tawh hong sam kawm pah hi. Attach filed ah na en un. Hih lai pen adiakdiak, Thai, India, Malaysia ah om gambelte in zat theihna om leh zat kim ding le Refugee tawh kisai in Zomi Kipawlnate ahi zongin , mimal activist te ahi zongin, kep ding le zat theihnate ah zat ding hi. USAte dan pen bel mahmah le genbang omlo in, nasemte na hi uh in tut dan ding nangawn ah agualh dan nangawn dong ah kician sak mahmah uhi.. Attached filed ah ki en thei hi.

Info Team
Zomi National Congree
2 December 2011

Note: UNA = United Nationalities Alliance
NLD = National League for Democracy
CRPP = Committee Representative of People's Parliament
ALD = Arakan League for Democracy
MNDF= Mon National Democratic Front
SNLD = Shan National League for Democracy
ZNC = Zomi National Congress340142_327423040617267_100000487222088_1387533_1600195724_o.jpg

Views: 67

Reply to This

© 2020   Created by Zomi Community Network.   Powered by

Badges  |  Report an Issue  |  Terms of Service