Dear sep pih lawm leh gual zomi.net member a kuamah peuh,


Na dam tek uh hiam ci in hong muak nuam masa ungh.
I nisim nuntakna ah a om loh a phamawh internet, computer te tungtawn in
khat leh khat i omna ki gamla mah ta leh ki thu zatuah thei in internet
tung ah khawlmunpi khat ahi zomi.net innpi lam thei ihih man in lungdam
hangh.

Hih bang in Zomi Social Network i nei theihna pen nang leh kei, i vek in
member khempeuh i mapanna, sepkhiatna leh kizopna i bawl man ahih man
in Zomi Social Network pen nangma lamsa, nang ma neihsa hi ci in a thak
in hong theisak nuam hangh.

Tuni, July 06, 2010 dong member pen mimal phazah (1,741) i phata hi.

I Zomi kituahkhopna innpi pen i puah ding akisamna mun tampi tak mah om
a, zong hong om toto lai ding hi. Tua tawh kizui in zomi.net pan i zat
pen Ning.com platform ahi a, a beisa leh tuni caing dong in Premium
package a zang ihi hi. Tua pen US $ 4.+ (5)/ Month ta bei hi. Zomi
Social Network min tawh ning.com platform tung ah i kipat ni a kipan
tuni ciang dong full sponsor hong pia pen pen, New York, USA a om Zomi
leh Zogam a ding in ma a pang gige den i sanggam Do Khan Khup ahi hi.
Amah in kha sim in sum bei khempeuh hong sik den in, kisapna khempeuh
hong vaihawm ahih man in tuni cing dong nang leh kei in nuamtak in khat
leh khat ki thuza thei in, kilawmta thei ihi hi. Hih bang in Zomi leh
Zogam a ding in a itna te piakkhiatna tawh hong lakkhiat i sanggam DK
Khup (New York) leh a innkuan pih teng tung ah Zomi Social Network pan
in lungdamna i pulak nuam hi.

Tua ban ah a tamzaw in i theih khit sa mah bang in ning.com te in amau
service hong laihto uh a, a beis sang in a hoih zaw ding in a puahna uh
pen July 20, 2010 a kipan in kipan thak ding uh a, tu laitak a FREE tawh
a host khempeuh zong package nam (3) tawh khen in sum la ta ding uh hi.

Tua ahih man in ei Zomi.net zong a ngei mah bang in i paisuak theih na
ding leh, a beisa sang in function a tam zaw tham i neih theih na ding
in a ngei a i neih sa tawh van zatte a kikhai hetlo pen NING PLUS bek om
a, tua pen US$ 19.95/ Month or US$199.95/year* (save 16%) ahi hi.

Tua ahih man in gamsung, gampua a om Zomi te ki thuzaktuah theihna a
khan na ding leh, mailam ah a beisa sang in nakpi in i website neih
taangpi puah nuam ihih man in kha donationa a pia ding i kisam hi. Mimal
khat bek in piak ding in zong baihlo ahih man in Zomi a it nang leh kei
in khakhat ai maw, kha 3, kha 6, kum khat ai cih bang in sum ciangtan
omlo in i piak zawh zahzah tawh ma i pan khop na ding in nangma panpihna
kisam hi cih vaisaite lam pan in kong zasak nuam uh hi.

Tua ahih man in July 20, 2010 ciang in i website kisiatna omlo bek
thamlo in, a ngei sang in a hoih zaw in i puah zawh na ding in zomi.net a
member mimal sung pan in i piak zawh zah ding tek, mapan khopna nei
leng i website picing ding a, a neih sa member info, video, blog, photo
etc. khat zong mansuah lo in a ngei mah bang in i zang suak thei ding
hi.

Zomi Social Network member phazah (1,741)
lak pan in i piakkhiatnate pek khat pek khat tung siah hoih tak in
kiciamteh ding a, i website tung mah mah ah zong suaksak ding hi hangh. A
zenzen in mapan khopna sung ah khakhat US$ 19.95 sang in a tam zaw i
ngah a, i kum khat ai ding sang a tamzaw i ngah leh
http://about.ning.com/announcement/plans.php sung a om ahi NING PRO ah upgrade nuam hi hangh.

Tua ahih man in mimal khat ciat in a tawm pen US$1 tung siah ma pang
nuamte in admin@zomi.net ahih kei leh i website blog/ forum tung ah
suaksak in hong theisak un.

Mapan khopna (donation & contribution) te pen website adminte tung
ah paypal/ credit card pan in zong ki pia thei a, online pan piak ding a
lemlo te in cash or money trasfer (sum tang) in zong kikhak thei hi.

Hih tung tang in donopna leh kupnopna a om te i website tung mah ah zong
ki kumto lai ni.


Zomi Social Network pen nang leh kei, i vek in i kipawl khop ciang bek
in hong picing thei hi a, i vek in i mapan kop ciang bek in a mualsuah
zo ding ihi hi.

Zomi sung ah ma pang khawm ciat ni.


Na sawltak tanu, na bawmta uh,



Zomi Social Network
admin@zomi.net
www.zomi.net

Views: 107

Reply to This

© 2024   Created by Zomi Community Network.   Powered by

Badges  |  Report an Issue  |  Terms of Service