Zomi.Net Your Network, Empowered by YOU!
Nasep Thak Neih Ciang Theih Ding Nam Sawm
Nasep Thak Neih Ciang Theih Ding Nam Sawm
Nasep khat peuh na kipat ciang theih ding nam sawm hih anuaia bangin gen ni. A diak in gam khangto ah kisam diak hi. Gamtatzia, kampauzia, kikholhzia, kihozia cih pan a tuamtuam theih ding kisam tampi om hi.
1. A ziakai te ki-enneu pah hi. Khatveivei, a kisap mahmah ciang ziakai pen theihsiam huai a, ahi zongin ziakai den, tungsiah te sang zong ziakai thei den zel mite kimudah in kineu-et pah hi. A sawtlo in nasep pan kitawpsak nuam mahmah ahih manin na hun na lap nadingin inn pan themkhat pusuak baih zaw hamtang in. Sawt sep khit ciang zong ziakai ding hituanlo hi.
2. Na khempeuh thei khin hi kei in. Nasep khat peuh na kipat ciang na sepsa tawh a kibat hangin nasepna lui te sep dan leh nasepna thakte sep dan kibanglo thei ahih manin 'ka thei khin' 'ka siam khin' cih bangin kitheisak, kisiamsak in tungsiahte hilh ding, makaih ding, lamlah ding cih bang thusimlo in omkha vet kei in. Kiliatsakna namkhat a hih ban ah midang zahtaklohna ahih manin kithupisimlo a, gamtat dan theilo ciin hong kisimmawh kha ding hi. Na khempeuh a thei khin cih bang mihing om theilo ahih manin kisin inla, mite hih dan en, zui, tawsawn in sep dan thak khat peuh siam sawm pah in.
1. A ziakai te ki-enneu pah hi. Khatveivei, a kisap mahmah ciang ziakai pen theihsiam huai a, ahi zongin ziakai den, tungsiah te sang zong ziakai thei den zel mite kimudah in kineu-et pah hi. A sawtlo in nasep pan kitawpsak nuam mahmah ahih manin na hun na lap nadingin inn pan themkhat pusuak baih zaw hamtang in. Sawt sep khit ciang zong ziakai ding hituanlo hi.
2. Na khempeuh thei khin hi kei in. Nasep khat peuh na kipat ciang na sepsa tawh a kibat hangin nasepna lui te sep dan leh nasepna thakte sep dan kibanglo thei ahih manin 'ka thei khin' 'ka siam khin' cih bangin kitheisak, kisiamsak in tungsiahte hilh ding, makaih ding, lamlah ding cih bang thusimlo in omkha vet kei in. Kiliatsakna namkhat a hih ban ah midang zahtaklohna ahih manin kithupisimlo a, gamtat dan theilo ciin hong kisimmawh kha ding hi. Na khempeuh a thei khin cih bang mihing om theilo ahih manin kisin inla, mite hih dan en, zui, tawsawn in sep dan thak khat peuh siam sawm pah in.
3. Kamtam Kei Phot in. Mi gensiat pah thu tuam, kampau nopsa lua pah zuahzuah, theih khempeuh gen zuahzuah, muh khempeuh hopih buakbuak cih bang zang kha kei in; kamtampa, kamtamnu hong kici kha ding hi. Nasepna thak ah lut na hih manin office sung kiho dan kikholh dan kampau zat dan tel khin nailo na hi cih kithei in. Ahih theih leh office sunga mite kigen sepsupna sungah na lutang phum pah kei phot in. Mite kigen kiaukiauna te pelh phot peuhpeuh lecin na ma hong vang ding hi. Pilvang takin kampau kidawm mahmah phot in.
4. A phun pahpah mi hi kei in. Nasepna mun ah mithak na hih manin na mit hak lela in na bil tungsak inla, na kam cip phot in. Na deih banga pianglo khatpeuh ah phun pahpah, lungkimlohna lak khia pahpah mi hikei in. Na heh mahmah zongin kidawm mahmah phot in. Na seppihte zong a hoihlohna theihsawm in mi cinlohnate mitsuan kha het kei in. Na tutna, na paina, na nasepzia a nop kei zongin a nuam mah bangin om phot inla, phun kha peuhmah kei in. Nuam a sa penpen pa bangin tu phiuphiau lel inla, mite zong nuihmai in hopih hiauhiau in.
5. Na ut bangin kizem gawp kei in. Na ut banga na kizep pah gawp leh na lawm ding sangin na gal ding hong tamzaw kha ding hi. Puan siangtho silh in, kilawm takin kizem inla, a hoih na nei zo kei zongin a siangtho, a kilawm in kizem hamtang in. Na lawmte puansilh leh kizepzia zong en masa hamtang in. A hoih a kilawma kizepna in ut banga puan tuamtuam silh gawp sangin siatna tunlo zaw hi.
6. Kiphasak, kiliansak kei in. Na hoihna, na siamna, na theihna na lahkhiat nop hangin kidawm in. Na hihna mite in hong theihna dingin nasep tawh lak masa zaw in la, na kam tawh kiphatna, kiphatsakna, kiliatsakna cihte gen kha vetvet kei in. Na office ah a lianpenpen in nasep siam na hi, nasep thei na hi, pil, siam, tei na hi cih nangma nasep pan mu phot pepeuh hen. Tualo peuhmah kiphattawm, kisial cihte zang vet kei in.
7. Nasep haksa leh gimhuai khatpeuh nangmah in sem phot in. Nasep a haksa, a gimhuai, leh mite sep nop mengmeng lohte nang tungah hong kipiak ciangin thasial hetlo in sem phot inla, thanuam takin semkhin in. Mothak lungsim pua in kisin inla, mite pahtak na hihna dingin kisin in. Hong huh in, hong seppih in ciin mite ko dawidawi kei in. Sepzia ding na theihpah kei leh zong tungsiah leh a semsa te dong inla, ahi zongin na dotsa, na sepsa khat pen dong kikkik kei in, a ginalo hong sa kha ding uh hi. A kul leh lai tawh ciamteh inla, kemcing in.
8. Sem thei ing na cih sangin na sepkhiat theih tamzaw hen. Nasep na nget laia na septheih na gente sangin na septheih tamzaw sak in. Cihnopna ah nang leh nang na kigen sangin na sepkhiat tamzaw leh mite in 'Oh! hih mipa in a kigen sangin tam theizaw pek hi' hong ci ding uh hi. Hong deihna uh, hong itna uh, hong muanna uh khang semsem ding hi. Ahi zongin nasep theih na hauh luat a, nasep na siam luat leh na sepding hong kipiak thuah den dinga, na sep khit theihloh zah dong nasep hong kiguan thei hi. Tua bang ciang dong na tun leh bel na tungsiah ah gen a, theihsak ding ahi hi. Mihing in i sep theih zah val hong kipiak luat ciangin pumpi gimna leh lungsim gimna kithuak a, cidamna in thuak thei hi. Tua manin pilvang siam in.
9. Mi hong theih ding na deihbang mi hi in. Mi khempeuh in nasep thak a neih ciang a seppihte in a theihdan ding a deihna khat om hi. Tua bang hong theih ding na ut bang lianin nang hong kitheihna dingin nang zong na gamtat, na luhek, na kampau ah tua bang mi hipah in. Mite tawh kiho thei inla, zuau gen kei inla, mi gensia kei inla, mite huhnopna lungsim nei in. Mite hong muan theih ding mi hi hamtang in.
10. Mi khempeuh tawh kikhawl thei in. Na seppihte tawh na kikholh theih kei leh na sepna zong sawtpi sem theilo ding cihna hipah ahih manin mite tawh kiho theih ding, kikholh theih ding hanciam pah in. Lawm neih sawm pah inla, ahi zongin kinaihpih lua pah kei in. Na haksat ni, na gim ni, na lungdam ni a hong tawsawn hong nungthuap thei ding mi lawm bawl siam in. Na mizia ah mi maingal na hihloh hangin maitai takin mite hopih in. Nuihmai inla, mi deidan kei in. Kamtam leh kamsiam kul tuanlo a, na hihna bangbang na zumpihloh ding, nang bek na tuam om loh ding hiphot hi.
6. Kiphasak, kiliansak kei in. Na hoihna, na siamna, na theihna na lahkhiat nop hangin kidawm in. Na hihna mite in hong theihna dingin nasep tawh lak masa zaw in la, na kam tawh kiphatna, kiphatsakna, kiliatsakna cihte gen kha vetvet kei in. Na office ah a lianpenpen in nasep siam na hi, nasep thei na hi, pil, siam, tei na hi cih nangma nasep pan mu phot pepeuh hen. Tualo peuhmah kiphattawm, kisial cihte zang vet kei in.
7. Nasep haksa leh gimhuai khatpeuh nangmah in sem phot in. Nasep a haksa, a gimhuai, leh mite sep nop mengmeng lohte nang tungah hong kipiak ciangin thasial hetlo in sem phot inla, thanuam takin semkhin in. Mothak lungsim pua in kisin inla, mite pahtak na hihna dingin kisin in. Hong huh in, hong seppih in ciin mite ko dawidawi kei in. Sepzia ding na theihpah kei leh zong tungsiah leh a semsa te dong inla, ahi zongin na dotsa, na sepsa khat pen dong kikkik kei in, a ginalo hong sa kha ding uh hi. A kul leh lai tawh ciamteh inla, kemcing in.
8. Sem thei ing na cih sangin na sepkhiat theih tamzaw hen. Nasep na nget laia na septheih na gente sangin na septheih tamzaw sak in. Cihnopna ah nang leh nang na kigen sangin na sepkhiat tamzaw leh mite in 'Oh! hih mipa in a kigen sangin tam theizaw pek hi' hong ci ding uh hi. Hong deihna uh, hong itna uh, hong muanna uh khang semsem ding hi. Ahi zongin nasep theih na hauh luat a, nasep na siam luat leh na sepding hong kipiak thuah den dinga, na sep khit theihloh zah dong nasep hong kiguan thei hi. Tua bang ciang dong na tun leh bel na tungsiah ah gen a, theihsak ding ahi hi. Mihing in i sep theih zah val hong kipiak luat ciangin pumpi gimna leh lungsim gimna kithuak a, cidamna in thuak thei hi. Tua manin pilvang siam in.
9. Mi hong theih ding na deihbang mi hi in. Mi khempeuh in nasep thak a neih ciang a seppihte in a theihdan ding a deihna khat om hi. Tua bang hong theih ding na ut bang lianin nang hong kitheihna dingin nang zong na gamtat, na luhek, na kampau ah tua bang mi hipah in. Mite tawh kiho thei inla, zuau gen kei inla, mi gensia kei inla, mite huhnopna lungsim nei in. Mite hong muan theih ding mi hi hamtang in.
10. Mi khempeuh tawh kikhawl thei in. Na seppihte tawh na kikholh theih kei leh na sepna zong sawtpi sem theilo ding cihna hipah ahih manin mite tawh kiho theih ding, kikholh theih ding hanciam pah in. Lawm neih sawm pah inla, ahi zongin kinaihpih lua pah kei in. Na haksat ni, na gim ni, na lungdam ni a hong tawsawn hong nungthuap thei ding mi lawm bawl siam in. Na mizia ah mi maingal na hihloh hangin maitai takin mite hopih in. Nuihmai inla, mi deidan kei in. Kamtam leh kamsiam kul tuanlo a, na hihna bangbang na zumpihloh ding, nang bek na tuam om loh ding hiphot hi.
Hau Za Cin
Phuitong Liim
Replies to This Discussion
-
Permalink Reply by zomithangkhek on
-
Lungdam mahmah ei...thupi ei.
-
Permalink Reply by Thang Lian on
-
Tel loh man in hong dong nuam ing..NO.8 na hong tel gen lai le teh ut ing,, Heh pih na tawh....
zomithangkhek said:Lungdam mahmah ei...thupi ei.
© 2024 Created by Zomi Community Network.
Powered by
