Facebook zatnading Mobile Phone

[Zomi Daily]

Facebook zatnading Mobile Phone

Facebook on HTC Phone

ZomiDaily :: Barcelona gam ah nungdeuhin akibawl ahi Mobile World Congress ah Facebook adingin atuamngiat in akibawlkhia Mobile Phone tepan Facebook Direct zattheih dandingte lahkhiatna nei uhhi.  Tua Phone te tungah Facebook Logo atuangsak omlo hi. Ahih hangin tua Phone tepanin Facebook nuamtakin kizangthei a, Status Updates, Pokes, Likes leh adang Facebook Features tuamtuamte ki update theihi.

 

Facebook Founder pa Mark Zuckerberg ii Vision pikhat ahi leitungbup pen Facebook pan kilawmtatna neihtheihding cih hi a, hih Phone thak tuamtuamte in agimna tangtungsak semsem dinghi. Tulaitak Facebook azangvekpi 600 Millions aphaklah ah, sehthumsuah sehkhatin a Phone te uhpanin Facebook zangdingin ki lam en khinhi. Apple ii iPhone leh Android Phone te ah Facebook akizat theihna sawtpi hita hi. Tua ongsuakthakding Mobile Phone te ahihleh Facebook tawh kizoploh theihlohtawh ongkibangta hi.

 

Gentehna: Taiwan te ii HTC Phone tepan maan ihzaihkhit phetin Facebook Button ongsuakpah dinga, tuapan ih Facebook ah ki tensuak theipah hi. La ihdeihkhat ihngaih laitak inzong ih Facebook ah "like" cih pia in, ih lawmte tawh ki hawmsawn theihi. Ih Facebook lawmte'n Phone ongsap leh amau Profile pen ih Phone Screen ah ongsuakpah dinghi.

 

Mobile World Congress pan adot uhciang Mark Zuckerberg in "Facebook zattheih nadingtawh akithuahpah phone tampi ongsuakkhia laiding" cihi.

 

Khat leuleu ah Smartcard Company ahi Gemalto te'n phone sungah ahilo SIM Card sungbekah Facebook ii Bacis Functions teng aki ngahthei ziaudingin bawlkhiading cihi. Tua SIM Card pen ihthuahna phone peuhpeuhah Facebook kizangthei pahpahding ahih manin, sumtampipi bei-in Smartphone te leikulnawn loding ahih manin sumtampi phatuamding ci leuleu hi. Ahihhang tua Gemalto te SIM Card leh Phone Line Company te gawmkhawmin vaihawm kulding a, Subscription pen bangzah mandingcih kitheician nailo hi. SMS (Short Message Service) tepan Video leh Photo te kikhak theilo a, hih Gemalto te SIM Card ong lemtheileh baihtakin Facebook pan kikhaktheiziau dinghi. Zomi Daily www.zomidaily.com