Bangci ngaihsut na hiam?

[Khambawi]

                    Ei Zomite a tamzaw Christians i hihna tawh kizui in thu leh la khat peuhpeuh i Zo ngeina leh LaiSiangtho tawh i sittel ding kisam in ka um hi. Tu laitak i Myanmar gam vai tawh kisai kei tumtak in ka ngaihsut zel thu 1 ong dong nuam ing. I LaiSiangtho sung ah " Hong uk kumpite' thu na mang un" a cih in ei-a dingin bang tan huam ding a hiam? Gentehna in a kang(white) kimlai a vom(black) ong ci sak le uh kumpi' thu manna in a vom hi mah ei ci ding i hiam?  UN zum khawng a i genna zah liang a hih sam loh hang i thuakna tampi om veve hi. November kiteelna ding vai hangin Kum 100 cin pawipi a ni ki khin to ta hi. Nipi ni tek tek a kiteelna bawl ding hilai ahih leh ei Christian Zomi te'n bang ci ciangin i kumpite' thu i mang tam?  No bang na ci ngaihsut uh tam maw?

[Tg. GT]

Zomi sung ah Sunday in akikhawm zong kiom a, Saturday in akikhawm zong ki om hi. A tamzaw te a ding in bel Sunday pen i nipi, i ni siangtho ahih man in Kiteelna tawh hong kituak pen poi citciat hi. Ahih hang Saturday in akikhawmte a ding in bel bang mah phamawhlo lel hi. Cih nopna ah a hoih zawkna lah om, a hoih zawklohna lah om cih ding hi.

Thu dang khat ah nidang lai a kipan in zong tan 10 laivuan pen Saturday i neih hun om a, khat veivei ciang in Sunday na tawm in lai vuan hun om hi. Tua bang hun ciang in Zomi Christian te in Exam pai kei leng hong vaun kik saklo a, Exam retake na ding change om tuanlo hi. Kum khat tawntung i sang kahna tua Sunday/ Saturday khat i pailohna tawh mawk suak sak ding maw, ahih kei leh tua Sunday kikhawm ding maw cih thu ahi hi.

Hih pen mimal teel ding thu zong hi veve hi. Sangnaupang khat in a sangkahna ah kumkhat thapai a sangkahna te ah nipini or sanini laivuana ah a kihel loh man in lai kia leh kum khat tawntung a sangkahna sum bei teng pen Zomi it ingh akicite in, Zomi a ding in Sunday, Saturday sang pai kei un acite in pek khat zong huhna pia tuanlo lai ding uh hi.

Tua ban ah November 7, 2010 kiteelna vai ah zong Nipini ahih man in Christian te ngeina, biakna hong nawngkai sak hi, ong simmawhna hi ci in a bul lak mahmah, biakna paulap in politics a semte na en le uh cin tua kampi tawh Nipini Election bawlloh ding aci teng teek pek nipini sim pongman in akikhawm, Pasian zahtak tak in a siangtho gamtatna a nei, Lai Siangtho sim den te hilo citciat uh hi. November 7 in kiteelna pen Nipini hi kei ta mah leh zong biakinn a tung ngei phaloteng hi citciat sawnsawn uh ahih man un, a thugen uh leh, a sepna uh kituak lo lua zek ahih man in tua zong mipi in ki sang thei khinlo zeel leuleu hi.

Tua leh November 7 in kikhop ding, a pualam pailoh ding a nak hanciam mahmah teng zong kum khat sung ah nipi ni sim in biakin pongman a pai dente zong na hi tuanlo uh a, paulap zong mah hi lel uh hi.

Tua kawmkal ah Buddhist te tawh i vaipuakzia ki bang theilo, Christiante in eima hihna Pasian' zahtakna tawh Nov. 7 biakinn paini acite in zong tua bek thamlo in Monks Alliance, Monks Democracy, Monks Congress etc. cihd an in Tapidaw hi na pi in Kawlte, Milimbiate tawh ankuan umkhawm in, na sem khawm bang om ta leuleu hi.

Khat veivei ciang in politics icih pen tel hak mahmah citciat hi. Bang cih lian ding cih zong i thei tuan kei hi. I muhna te ki kum khawm lai dih ni ei. Lungdam.