Facebook pan Warner Bros te Video kileithei

[Zomi Daily]

Facebook pan Warner Bros te Video kileithei

 

Warner Bros

ZomiDaily :: Video tuamtuam abawlkhia Company minthang mahmahkhat ahi Warner Bros te in Facebook panin a Video te uh leitheih, ettheih dingin bawldingcih Reuters pan kizasawn hi. Hih Online pan Video azuakmanin summuhna zaituamding leh adang Entertainment Company te demtheihding cih ngimna ahihi. Warner Bros te Video Online pan a ennuamte in Facebook Credit tawh kileithei dinghi. Facebook Credit cihpen Facebook te'n Internet pan vanleitheih nadingin avaihawm uh hi a, huihlak dangka lumai (Virtual Currency) cihtheih ahihi. Hih Facebook pan Video kawmtheih nadingpen USA gamah kingah masaphot dinga, damdamin leitung muntuamtuam Internet kingahna khempeuh ah ongkizelto dinghi.

 

Tulaitak amasa penpen Video ettheih dingin Warner Bros Entertainment Facebook page ah akoih uh ahi "The Dark Knight" hi a, adang Video tuamtuam leitheih, kawmtheih dingin ongkoih totoding uhhi. Video ennuamte in akawmman pen 30 Facebook Credits ahih keileh US$3 tawh akikim hiding a, nai 48 sung ki enthei, ki tawlnga (pause) thei, apatpan kipankikthei dinghi.

Facebook Credit pen adang Game kimawlna tuamtuam 400 banginzong zangziahziah khin a, Online ah akimawl nuamte in hihtawh kilei ziahziah theihi. Zomi Daily www.zomidaily.com