Kawl galkap 2 leh Police 1 in Sozang khuami Pa Thang Mung thatlum

[Tg. Thangno]

          Tuma kal khat lai in Vangteh motor pen လမ္းအထူးေဆာက္လုပ္ေရး(၁၁)ah a sem U Tha (ဦးသာ)le U Aung Zaw Myint tuanna cycle tawh kitaih hi. U Tha nasia liam pian ahih manin Tedim zato ah puak in motor zong kiman hi. Tedim ရဲစခန္း ah kilemtuah uh a, tua motor pen အာမခံ tawh hong suakta ahi hi. July 11, 2012 ni sun lampawl in Vangteh motor Sozang khua hong tun tak ciang galkap Aung Zaw Myint le a lawmte nih in na khak in sum
teng 2 ngen hi. Tuate in U Tha sumpia a kei nong piak loh uh ci in motor tawh laksak in tum thuah lai uh hi. Tua galkap pa bangmah liamlo ahih manin bangmah a piakloh uh hih tuak hi. Motorte lau ahih manin Sozang ah sum leitawi na zong uh a khuami te in piak kul kei, hih mite hih bang teng a a vangsa uh hi, acih uh ciangin galkapte sum na pialo uh hi.

          Bek thamlo-in hausapa tawh kipawlin Tedim ah E Khai na hopih a, E Khai in palik zum ah na hopih hi. Tua pan palik zumte in Sozang ah hopih kik in galkapte tungah manlang tak in tua motor khahkhia un, thu siang sa hi na ci uh hi. Tua bangin sumgolh a a nget zah ngahlo ahih man un Sozang khua bup mudah ta uh hi. Tua pan kipan palik khat le galkap nih te in zu sai ah zu dawn in miphin kipan ta uh hi. Nu Hung Lian Cing pen tua sai ah va hawh kha a, tua mi thumte in kam tawh phin in kaaipaai in tup tawh thuah lai uh hi. A sanggam pa in tua thu a zak ciang in paito in a hot leh amah bek ahih manin honzolo in amah kivel gawp lai hi. Tua laitak kong khak cip ahih manin a pualam pan khat in a hot leh tua pa molh tawh delh lai uh hi. Tua ciangin Sozang khuabup na gap uh leh hong pai un na khua zangun hong hal tum nung ciin awng zakzak uh hi. Pa Thang Sian Mung a Kivuakna Tua ciangin Pa Thang Sian Mung pen galkapte tawh kimaingap lel ahih manin a lem tuah dingin amah bek na paipah a, tua mi thumte na khoih khong lo in sat khat na suah pah uh hi. တပ္သား ေအာင္ေဇာ္ျမင့္ in molh tawh a nung lampan palik ေစာျမတ္ထြန္း in a tal pan suang tum tawh leh ေက်ာ္လႈိင္၀င္း in a nung zang pan cih bangin khat vei tek a sat zawh ciangin tuk leu hi. Pa Thang Sian Mung a tuk zawh ciangin saat gawp lai uh hi. Palik Pa Kiman Tua nitak mahin hausa leh khuami te-in migilo thum teng pen Pa Thang Cin Khual inn pan na man uh hi. Aman te in tua galkapte sat lianpen mulo uh ahih manin, tuate nih kizuunna na taksang in na khah mawk uh hi. Tua palikpa manin hausa pa inn ah thusit uh hi. Tedim ah palik zum hopih in hong man phei uh hi.

          Thang Sian Mung i hong Nusiat na le Galkapte Kimatna A kisat nitak in gimlua nailo ahih manin July 12 zingsan nai 7 pawlin Tedim zatopi kizuatpih pan hi. July13 zingsang nai 7 pawl in zato panin hong nusia hi. Tua thu Sozang a kizasak a galkap mi that nihte laulua in cycle tawh Kawlpi lam zuan in taimang uh hi. Tua thu hausapa in a zak leuleu ciangin manlang tak in a kisamna tengah zasak a Taingen pan in mi that nihte man pah uh hi. Sihvuina Sihvui ni July15 ni-in Tedim pan Pa E Khai, Sia Thangpi, Dr Thuam, TSKhai le TYF makaite motor nih tawh hong pai phei-in thugenna nasiatak in nei uh hi. Tua banah Sia TSKhai in thugenna leh lasakna nei thei hi. Sozang hausa pa Pa Cin Khan Khual in zong hih thu tawh kisai siangtak in gen hi. Khangnote makaihna tawh zahtakna le khasiatna lahna in pasal thahat cingteng mi 50 val in hankuang pen falong 2 val a gamla ahi han dong khut tawh kitawi tiuteu hi. Ei hong kem hong khoi ding kimlai ei hong that ahi တပ္သား ဦးေအာင္ေဇာ္ျမင့္ တပ္ၾကပ္ေက်ာ္လႈိင္၀င္း le ရဲသား ေစာျမတ္ထြန္း te ngongtatna hangin a si i sanggam Pa Thang Sian Mung pen hih bangin heh mai puak khasiat mai puak tek lak in a kivui ahi hi. By: Cin Zam Pau ( Amun ah a va pai
sangnaupang khat)