Zogam,Kawlgam,Vaaigam leh tuipi gal aa om, kong it ZOMI pih te aw...
                    KA SUNTHU KA ZAAILA  ong lel dih ning ee...

                    ....Ih tung Pasian leh Zomi pih te itng banzaal in, ka ang kawi leh ka von nih gel tawh, Zomi ten nong guat uh ka Saulim nuam ah tang bang na dam ung ee..
                    ... Tu hun ciang dong Zoni Laphuak, La sa din mun ong tang sak na hih man un ka inn kuan un ka lung dam na uh kong ko a sa hi..mai lam ah zong na itna banzaal te  
                              mah uh a lam en, a nun tak pih a sih pih ding ka hi uh hi...

LA ( Music ) na sep na lam kong theih sak nop pawl khat ah..
                                                                                          tuma,kum 2000 hun lai in Zola khui khat bawl leng Tape 3000 bang ka khawng thei aa, tu hun CD,VCD hun ciang in, 500 bang khawt hak ta mawk hi..( a baih lam in ki copy lel aa copy mah lei nop ki sa zaw ...)

Kong thum nop na ah...
                                    Kawl gam sung aa Zomi te sung ah, Computer nei ten ih La, Vedio cih te ong copy sak nawn kei un la,Mp3,Mp4.. cih te ah a guang nuam ong om ciang in
                                    CD master copy mah na ngen, na kaal tang tang zo le uh cin..ko music,la na sem te ka ma uh ong vang zaw deuh ding in um ing.
                                    
                                    Gam dang aa ten zong a hih theih leh a mun mun ah kong zuak zawh khit ma teng uh Youtube ah ong khah sak het kei le uh cin..bang hang hiam cih leh  tu 
                                     hun diak ciang in, no gam dang aa ten png tha pia, ong lei sak kei le uh cin ih gam sung ah ka bei zah uh ki ngah kik nawn het lo mawk hi..    
                                           
Ngaih sut piak na...
                                 tu hun teh Zola Album khat CD ( audio ) cing ong pian nang pen a tawm pen teng 25 bang bei thei hi.  tua hi in..
                                  gam sung ah CD khat 1500 bang in kong zuak uh leh La dawng kha 100 val bek a man hi zen in, ki man  sa mah mah ing
                                 gam pua aa ten zong Cd khat 10$ bang in ong lei hi le uh cin dawng khat  1$  bang bek hi in, tawm man sa lua nu teh ong ci nuam lai ing..  
                                              Mangkang te La te bang 30$, 40$ bang in zong lei sam hi ve hang..ei leh ei buang ong ci un..( Album a hoih leh hoih lo zong ong ki sai sam vemaw..)
Zomi te din mun.. ( La lam )

                                tu maa kum 2006 lai pawl in Zogam lapu lengtong Pauno lasak zawh kum 25 cin lasak pawi Kawlpi ah ka bawl uh aa, lut man sum ka la uh hi.Music van leh Hall kawm man teng bang ki ngah zo hi. 2008 kum ciang in kei Zola te Live In Zomi ci in Kawlpi mah ah Show ka bawl aa lut man sum ka la uh aa, u Pauno aa dan ciang mah ka ngah zo uh hi..2008 kum pawl mah in Falam te ma kaih na tawh Show bawl uh aa kei zong la sa in ong sam uh hi. sum teng ( 13 ) meet uh aa la sak man ka nget zah sang a zah thum bang in ong piak beh zo lai uh hi...ih minam sung ah, ki ang tan pih na,ki pah tawi na, ei leh ei ki thu pi sim na ...te tha ngah huai nai het lo cih hi...

Lam et na....
                     Zomi Laphuak, Lasa khat in,inn leh lo, neih leh lam dong ah nun tak pih zo ding zah dong in..lam en ing..tua bang din mun ong tun ciang Zomi te mimal, inn kuan kim ih nun tak, khua sak zia te a khang to kin na hi zen ding ...cih lawp mah mah ing.

Mai lam ah...
                      Zomi te in Pasian ong piak ih thu pha te.. migam mi lei ah, a mu a zeek hi nawn lo in, ih Zogam lei tang tung ah ih thu pha te a mu,a zeek ih hih na ding lam en ni, lung gulh ni, Pasian mah muan na tawh ap ni..ih gam ih lei ngiat ah " Zomi te Pasian thu pha ngah te " hi ding in, ken lam en ing.. ong zawn ing..

lel nop za tam lai tawh .. khawl bawl phot ning...
                                                                      Zogam leh Zomi aa ding lam et na lian tam pi tawh...
                                                                                                                                                  no te tawh Zomi sung ah..


                                                                                                                                                                                       Thawnkham te inn kuan
                                                                                                                                                                                       Tonzang khua
                                                                                                                                                                                         Zogam.
* a mun mun aa ki pawlna mail group te ah na khah sak sawn un...

Views: 57

Reply to This

© 2020   Created by Zomi Community Network.   Powered by

Badges  |  Report an Issue  |  Terms of Service