MUHNA KILAM DANG TEKTEK, NGAHIG SUT ZONG KILAM DANG TEKTEK (OR) LOWEST STANDARD TO HIGHTEST STANDARD

[L T Thang]

PASIAN IN A BEI SA HUN SANG HUN LIM CI ZAW HONG NGAH SAK ZEL MAN IN TOPA MIN SIANGTHO IH PHAT MASA HI.

      Muh na ki lam dang tektek ,ngaih sut na zong ki lam dang tek2 cih thu ih gen ma in khua lam din mun pan tom kim in gen leng ka lung gulhhi.

     Zogam nun tak na ih theih sa tek mah bang hi aa,a lim a al zong a kham zo lo Zomi te ihhihi.Nun tak zon na lo khawh sing puak zong nam dang te tawh tuat na in a gim pen2 lam mah ding intu ni ciang dong mah ka lam en lai hi.Zogam aa Pasian hong piak Sing kung lo pa te phuk mang aa nun tak na ding an zong te ih hih man in mi pum tam sem2 gam tul in kham zong ngah zo lo Zomi te ih hih man in mi te gam ah hak sak gen theih te kih ta lo in luang kham zen mah aa a ki kal suan khia mi nam zong ih hihi.Kham gam pan in inn kuan nun taak nanng leh mai lam thu khual nading in ih gam veng a hi .kal khat na ahi,   Malay,Indai.Thai,Bangladesh,cih bang leh sum nei zaw deuh te ahih leh Japan,S ,Korea, leh Singapore cih bang ah ih kikhen kham khin aa,tua pan ih ngah zah2 teng ih it mahmah inn kuan pih te akhak den Zomi khang no te zong ihhihi.Tua hang mah ih pian na Zogam lo khawh sang in hong khang to zaw aa thu pha ngah zaw ci leng zong khial in ka ki um kei hi.Hi mah leh ih ki pat na pan tom no en kik pak leng-

Kham khua pan pai in Kawlgam khua pi lui a hi Yangon ih tun suk teh muh na leh zak na hong ki lam dang mahmah aa building khawng hong tam zaw deuh leh motor khawng hong tai ziah2 te ih muh teh ,Muh na a ki lam dan mah2 bang in ngaih sut na te zong hong ki lam dang pahciat ding inka lam en hi.Mi te neih bang ka neih zawh naang Takeh pasal ci in sing ta gam pai ding lung sim hong om pah hi bang hang kawl gam pan tua ih muh na te lei na ding zong ni ci leng lampi ih muh zawh loh hang a hihi.Tua pan gamdang tung ci pak mai ni Yangon aa muh na leh gam dang pen hong ki khai lua leu2 ahih man in nun tak dan leh nik ten puan silh hong et lawm zaw laiin an nek tui dawn leh sep leh bawl sum zon hong hoih zaw in a senpy ten bang inn lam bang tawm2 hong khak zo ta hi.Tua tawh lung kim zo tuan nai lo iin hih sang a thu pi zaw ahi ,Gam thum na a cih2 uh lung gulh to lai2 ih hih man in gam thumna pai theih naang lam pi ih muh teh leitung aa aniam pen2 min a hi (Refugee)cih ki tung hi,Hih (Refugee) vai bel hun ih ngah teh a ki cing zaw in gen ding koih ni in.Refugee ih suak ma na tawm hak sa mah2 hi ta se leh Refugee ut lai2 ih hih man in hak sak na lung kham na nam kim sung a ki diah nuam te ihhihi.Hih sung ih tun teh hak sat cih tak mahhak sa aa a niam penpen din mun a hih man inlung kham in mang bang in sun lehzan nek leh dawn ding leh zum vai teng tawh khua ul nel tawh ki dim den mi zong ki tam mahding inka lam en hi.Zum vai sen pi lo hi in cancel bang hi kha leng kawl gam ciah ding lah lau huai cih teng tawh ki dip kua thei mah2hi.Hih hak sat na sung ah ih om zawh a kum in hong pai teh ih neih sa puan te khe dap te a tuam2 teng zong hong sia thei aa laih na ding zong om tuan lo thei zaw sop thei laihi.Tua kawm kal ahhun hong pai in kum te hong cing toto in Pasian lam hon sak na hang tawh gam thum na pai ding hun hong tung ci pak mai ni.Life niam pen2 pan Gam thum na pai ding cih pen ki lawp mah in zong ki pai nuam meng2 hi.

Kei bang hong gen pak leng Refugee camp pan gam thum na ka zuat hun in puan sia pen2,khe dap sia pen2,Bag a sia pen2 tawh gam thum na a zuan ka hihi.Sun khat leh zan nih phial (747)len khit teh Chicago Airport ka tung uh aa,Lung nuam tak van leng pan ka tuah kheu2 leh ka khe dap khau hong tat sawn2 in ka khut ah ka khe dap tawi in Airport ah Caseworker te tawh ka ki zui2 uhhi nuam bel nuam lua kei,US tun teh a bei sa a muh na ,ngaih sut na te hong ki lam dang leh hong ki khai mah2 leu2 in mi kang,mi vom lom tang kim leh paam ah ki leh ziah2 in lung bang hong am mah2 mawk hi.Hih te bel ih gen na hi lel ee,ka gen nop na ah gam thum na ih tun teh mi te nop sak dan leh nun taak zia,om dan khawl dan,silh leh ten,Hoih zia leh a ci dam na teh uh ei tawh ki tuat leng lei leh van bang in ki khai mah2 ka sa hi.A mau ahih leh Ph hoih no2 leh Car hoih no2 tawh khang tam pi bang a om khin uh a hih ban vuah ei Refugee pan aa pai te din mun tawh ih tuat teh van tung mi te mah2 tawh ki bang ka sa hi,Tua hiaa hihmi nuam sa ding aa ih muh te tawh na sem khawm,Equal aaom khawm ding hi ta ih hih man in a mau te ih bat zaw naang hong ol lo kha ding hi.En na sep bang ih ngah leh a niam pen2 mah ki sem aa,a mau ahih leh a mau pau ahih man in a hoih thei2 leh sum tam ngah theih namun ah na sem te uhahihi.Hih teng ih gen teh bang gen nuam ka hiam cih leh hih a mun aa piang te tawh ih ki teh kak teh ki khai lua mah2 ih hih man in ih muh na ngaih sut na te hong ki khai lua mah2 hi.Hun khat lai in gamthum na tung leng lung nuam mah2 ding,nun tak zia leh khua sak zia mi hau hi pah ding in ka ki tuat ngei aa,a hi zong in Gam thum na Pasian in hong puak tak teh ka ngaih sut na a zah thum sang tam zaw leh ka lung kham na zong a zah thum sang hong tam zaw in a bei sa hun sang a ol loh zawk hun zong hong om thei mah2 hi.

Muh na ki lam dang tektek,Ngaih sut na zong ki lam dang tek2cih tung tawn in bang gen nuam pen ih hiam cih leh Lei tung ih nun tak na sung ah lung nop na tak2 mun khem peuh na zong zong in na mu zo ngei kei ding aa, Ih Topa khut sung bek ah lung nop na tawl dam na om hi cih ih gen nop pen ahihi.LST sung ah Pasian in ka hak kol hong ki sin un a puak nuam in ka van zong ah zang hi.Ka hak kol in a puak nuam aa ka van a zang hi a cih teh van puak ding om nawn lo keuh2 cih na hi lo a puak dan nuam leh zang cih ciang bek ahih lam ki mu thei hi.,Pasian ih up leh hak sak na om lo hi lo aa Puak dan (control) dan nuam zaw deuh cih ciang ahih na zong ih theih beh ding in ih ki hop sawn nop thu a hihi.,LST sung ah Pasian in ka lawm a cih pa a hi Job in bang na ci hiam cih leh ka vah aa ka kial zong in,ka hau aa ka zawng zong in a ki sin sa ka hi a cih dan khat bang in Pasian muang leng lung nop na om bek hi cih ih gen nuam hi.Gam thum na sawm sang gam u leh nau te aw, Zogam ah om leng zong hak sa ding hi aa,Tua na din mun zong hak sa tek2 lak pan ma ban lim ci a nei na hi aa ,han ciam huai mah2 hi.Bang hang mi te gam ah hak sat na hih zah thuak ta se leng Pian na Zogam ciah kik ding ki ut lo sese hiam?Ngai lo maw ,It lo maw.Phawk lo na hiam? Ngaih sut ding tam pi hong phawk sak hi.Na ngaih su n kawm inbang teng zal mang in na mu thei hiam? Zal mang lim ci na mat leh hong kup pih kik ve maw .
By teh way,
USA thu pi ka saktam pi te lak panin, nam thum teng hong at pak ding hi ingh.(1)Mei mit cih om ngei ngiat lo
                                                                                  (2)Motor lam pi hoih lua hi mai small town na pai zong in hoih mang khin ta zen
                                                                                  (3)Mi te ki thu tuah zo sa ingh.Ni dang mizo te pum khat thei ih sak zah sang tam pi in ki khai mah2 lai
US in (Gas)Mai lam Kum (9) sung aa ding a ki cing mah2 ding in nei cih GOV lam ten gen khia uhhi.Kawl gam bang aa mei mit cih bel kum (9) sung om lo ding cih na hi.Ni leh kha ki sam keng a ci gam uh hi sam hi ven maw tua a cih uh bel man mah2 song hi vei.

Topan hun pha hong piak kik ciang2 ah {Pian na Zogam it dan,ngaih dan ki bat loh na leh zun zia ki lam dang pawl khat te} cih thu ki kum leu2 ding hi hang!
A vek pi in na sim khit zawh man in lung dam na lian pi kong ko hi.Theih na leh Pasian up na hang a thu pha nam kim na muh zawk na a suah theih na ding in ka thu nget na hi.Zogam la phuakpu a hi Pau no inbang la phuak hiam,Ngaih nang tawh om leng mun khem peuh nuam ee,ci in tun khang thak ten ,Ngaih nang tawh om leng ek buk sung zong nuam ee a cih sak dan khat mah in.Topa tawh om khawm peuh leng mun khem peuh a nuam hi ta zen veh lawm!.

                                                                                                                                            
                                                                                                                                                               From, Daniel Thangsian ,USA.