GZA pan Health Care Towing pai

            27-3-2012 ni-in Kawlpi pan in Zozang khua-ah Manlong neu te khat tawh Siavuan 7, Siama 4 leh Zatuihawm Sia Siamah 5 ZRDP pan mi 3 Zozang khua pai uh hi.  9:00 AM to 6:00 PM dong mi 442  vel in zatui zaha pia uh hi. Zozang khua, Kimlai, Tanzang, Mualnuam, Pyidawtha, Singzung, Santaih, Mainuai, Budiman, khuate pan hong pai uh hi.

1.         Dr. Zam Go Niang

2.         Dr. Thang Lian Kap

3.         Dr. Thuam Khan Suan

4.         Dr. Goih Khan Nuam

5.         Dr. Gin Sian Muang

6.         Dr. Thang Cin Mung

7.         Dr. Thang Khan Khual

8.         Siama Pum Deih Cing

9.         Siama Khin San Htay

10.       Siama Ning Lam Man

11.       Siama Niang Sian Deih

12.       Compounder Elizabet Man Hau Nuam  

13.       United Phama Com, Ltd.

14.       Tarrant Com, Ltd.

15.       Sia Dai Suan Kham  (ZRDP-AGS)

16.       Pa Thang Khua Lian (ZRDP-General Worker)

17.       BC Sia Khuppi (Tamu Zatopi)

 

Zozang khua pan vaidawnna

 

            Rev. Lian Khen Pau (ZCLS) khua nu khua pa tangin ah lungdamkoh vaimuak thungetna hong neih sak khit ciangin Zozang Tuiphum biakinnpi sungah mipi lutsuak in Dr. Thuam Khan Suan in melki lahna hongnei masa hi.

1.         Dr. Thang Lian Kap in Ha tawh kisai thugenna

2.         Dr. Goih Khan Nuam in Pumpi cidamna ding leh kikepsiamna

3.         H. Vum Za Nang in Zomi leh Zogam khantoh nading thugenna

 

            Sun 12:00 Noon in Zozang Tuiphum pawlpi te’n a pai khempeuh Buhsih leh Aksa, Voksa lim mahmah tawh hong vak uh hi.

 

            Ciah leh kuan Mawtaw sap H.Vum Za Nang (ZRDP) pu in hong sap sak hi.

            Nitak Zozang pan Kawlpi tun ciangin apai khempeuh Rev. Lian Khen Pau in Kawltutui lim mahmah ong dawnpih a hih manin ki lungdam mahmah hi.

            A pai khempeuh in zong nuamsa mahmah uh hi.

17 March 20012 ni in Kawlpi panin Zozang khua ah Sia vuan ( 7 ) leh siamah ( 4 ) zatui company pan ( 2 )Compounder ( 1) ZRDP pan ( 3 ) Rev.Lian Khen Pau ZCLS Pa Khup pi Tamu zatopi leh Lianpu ( medical 5 )
hih atunga teng tawh cina velna leh Zatui piakna kinei thei hi.

Hih GZA min tawh kalsuanna hih hang Fund omnaimel lo ahih manin ZRDP in zong minam leh gam leh lei veina tawh adang kipanpih zawhna ah omlouh hangin ciah leh kuan mawtaw monnlong neu te khat kisap sak hi

Ziingsang 9:00 pan kiding khia in 10:00 AM in Zozangkhua ki tung hi.Tuiphum pawlpi ten panmun nasiatakin la uh a tun tung phetin niuanhtui leh moh tawh limcitakin ong vaidawn uh hi.Nitak lam 6:00 dong cina velna kinei hi.

.Zozang khua te tangin Rev.Lian Khen Pau in mipi vaidawnna aw letna tawh ong nei in Pasian min tawh ongpai ten nopna ngah tahen ngah ta hen cih kam mal tawh vaidawnna ong nei a ko apai ten nuam kasa mahmah
uh hi.

Tua khit ciangin Tuiphum Biakinn sung mipi ki lutsak a Dr.Thuan Khan Suan in ko apai teng mel kilahna ong neisak hi. 

1.Dr. Thang Lian Kap in Ha tawh kisai thu gen na
2.Dr. Gawih Khan Nuam in Siantho na leh Cidamna
3 H. Vum Za Nang in Zomi te khantohna ding

Hih thugen na teng khit ciangin cina velna kinei in mipi zali val siavuan siamah ten Mipi cinate lungkim dong mah vel in en in zatui zaha pia uh hi.

Sun hun sunga dawn theih dingin SK Gin Khan Pau Zodamtui in Zodamtui thawl 24 ong puasakin ki lungdam mahmah hi.Ciah ciangin Rev.Lian Khen Pau in Tahan kawltu tui votdikdek tawh mangpha khakna ong nei in cidam leh nuamsa takin ka inn ciat uh ka ciah ta uh hi. Hih sunga abei khempeuh pen GZA mah in nong vaihawm uh kul ding ahih manin laisim mimal khempeuh in zong mailah ah Tedim gam leh Tonzang
gam ah ihpaizawh baih nadingin sumtha tawh ahi zongin maa pawng khawm tekni cih tawh ka lai gelh ka khup bawl ding hi.

Nomau tawh nasemkhawm,

H. Vum Za Nang

===

ZRDP pen Zogam Rural Development Programme hi a, (UNDP Zomi Version) zong kici thei a:
1. Road Construction
2. Education
3. Livestock & Livelihood Programs
4. Plantation etc.  hanciamna nei a, a masa pen project ahi lampi bawlna tampi mah zo khinta a, maban tampi omlai hi. Maban dante Zogam sung khantohna ding (development) tuatuam zop totoh theih nading in mipi mapang khawm peuh leh ki semzo ding hi cih a um gige den kipawna ahi hi.

Views: 174

Comment

You need to be a member of Zomi Community Network - Your Network to add comments!

Join Zomi Community Network - Your Network

© 2024   Created by Zomi Community Network.   Powered by

Badges  |  Report an Issue  |  Terms of Service