Comments - Thangmual Singkung Suanna - Zomi Community Network - Your Network2024-03-28T11:55:00Zhttps://zominet.ning.com/photo/albumcomment/feed?attachedTo=2495860%3AAlbum%3A183275&xn_auth=noKawlzang Khuano Khangno Kipaw…tag:zominet.ning.com,2012-07-23:2495860:Comment:1835872012-07-23T07:52:04.604ZZomi Centerhttps://zominet.ning.com/profile/ZomiCenter
<p><span>Kawlzang Khuano Khangno Kipawlna (4K) min tawh a na phuatkhiat uh, </span><span><em><strong>Green Kenedy Group (GKG)</strong></em> ci uh a, tua min tawh July 20, 2012 ni-in </span><span>Thangmual dungah singno suan dingin kuankhia uh hi.</span><br></br><br></br><span>July 21, 2012 ni-in, Dyna motor khat leh motor cycle thum tawh mi 35 </span><span>kuan to a, Tai 9 panin Singno kipua hi. Taingen khuakhung, Middle </span><span>School huangah Phuitong kung, Khadawmi leh singkung hoih pawlkhat…</span></p>
<p><span>Kawlzang Khuano Khangno Kipawlna (4K) min tawh a na phuatkhiat uh, </span><span><em><strong>Green Kenedy Group (GKG)</strong></em> ci uh a, tua min tawh July 20, 2012 ni-in </span><span>Thangmual dungah singno suan dingin kuankhia uh hi.</span><br/><br/><span>July 21, 2012 ni-in, Dyna motor khat leh motor cycle thum tawh mi 35 </span><span>kuan to a, Tai 9 panin Singno kipua hi. Taingen khuakhung, Middle </span><span>School huangah Phuitong kung, Khadawmi leh singkung hoih pawlkhat suan </span><span>kipan to pah hi. Tua panin Muhum acihna uh, Akluai gam lamdung </span><span>mualtungah zong kisuan to hi. Tua ni pen guah zu ngekngek den hi ta </span><span>leh ahithei bang danin kisem veve hi.</span><br/><br/><span>Akluai hausa pa, Pa Dalpi te' inn dintunna-in kizang hi. Akluai khuate </span><span>in zindo leh a kisambangin tavuan na la uh a, Kawlpi pan a puak toh </span><span>uh, Vok golpi, tuk nga val khat zong go uh a, akluai khuate in a bawl </span><span>tavuan hong laksak uh hi. Zong ciangin zin leh leng teng tawh nekkhop </span><span>ding geelna ahi hi.</span><br/><br/><span>July 21, 2012 (saturday) ni-in, khuakim-khuapam panin hausa leh sang </span><span>siate' makaihna tawh sangnaupang hong pai ciat uh hi. Tua khuate in: </span><span>Suangpi, Dimpi, Zung, Phunom, Dimzang, Thangnuai, Sozang, Akluai leh </span><span>Laibung ahi uh hi. Mimal 300 val pai uh hi. Hi vai-ah sumbei pen mun </span><span>tuamtuam pan a mipihte’ panpihna hi, ci uh hi. Thu-le-la te zong </span><span>tungsiah lampan thapiakna leh panpihna tawh mapankhopna hi, ci uh a, </span><span>Akluai khua-lai, laippi tungah Signboard nam li suang uh hi.</span></p>
<p><br/><span>Bullam thunei lampanin Tai 9 Forestry pan mangpi khat, Tedim Township </span><span>Forestry pan Bo.Kimlai, Sang lampan Sia Sum leh a dang pawlkhat hong </span><span>pai uh a, thugenna tomno nei uh hi. Tuabanah hih hun mah tawh a </span><span>zangkhawm ding leh thapia ngiat dingin Kawlpi, Nitha Phungzi mangpa </span><span>hong pai to a, a sawl tangzang ahi, Journalist te mi 4 leh sia Lian </span><span>Tuang tawh hong ton to uh hi.</span><br/><br/><span>(Amauteng pen Tedim ah pai suak uh a, hun manphatak mahin ka zang thei </span><span>uh, cih hong gen hi. Tedim ah Pa Suan Pau’ singno huan Ecre 500 pen </span><span>tha ngah mahmah uh a, mai lamah a kiciantak a et phat ding lunggulhna </span><span>nei lai uh cih thu kiza hi. Annek pih nuam a tuamtuam om hi ta leh </span><span>hunin cin zo lo ci uh hi. Zanin Kawlpi hong ciah kik ta uh hi).</span><br/><br/><span>Nitha Phungzi pa in Singkung a thupitna, singno suan a puah leh zuun </span><span>ding a thupitna leh i gam i lei pen amasa pen ei mahmah in it leh puah </span><span>a i zuun ding a kulnate leh nungzuih a kulna cihte hong gen a, hi kasa </span><span>mahmah ciat hi. Khual-le-tual pan hong pai mipi khempeuh voksa tawh </span><span>sun-an kivaak hi.</span><br/><br/><span>Tutung a singno a kisuan pen kung 1800 in kiciamteh a, a zawdiakin, </span><span>Phuitong, Khadawmi hi a, a dang pawlkhat zong kisuan hi. Phungzi pa </span><span>mahmahin guahzu meikai leh vot tampi omna lakah hong suanpih ngiat hi. </span><span>Nitaklam lamin Kawlpi kizuan a, Topa'n cidamin innciat hong tunpih hi.</span><br/><br/><span>Hihbang nasepna thupi sa lua ka hih manin makaite' hong zotna bangin a </span><span>zui to ka hi a, tha ka ngah mahmah hi. Maan ka zaihkhak tawmlai kong </span><span>khak hi. A kisam lai a om leh amau khuano group lampanin ahizongin </span><span>hong behlap le uh ci hang. Makaite' apna tawh zomi group pite-ah </span><span>kiallap a hong khakkhiatsak hi ing. Ka lungdam leh angtang in, cih ka</span><br/><span>gennuam hi. Topa' thuha!!!</span><br/><br/><span>Thupuak,</span></p>
<p><span>Peter Khampu</span><a href="http://www.zomi.net/profiles/blogs/thangmual-dung-ah-singno-kisuan">http://www.zomi.net/profiles/blogs/thangmual-dung-ah-singno-kisuan</a></p>